Steypu­bíl­stjór­inn sem varð hinum átta ára Ibrahim Shah að bana á Völlunum í Hafn­ar­firði í októ­ber 2023, var dæmdur í tveggja mán­aða skil­orðs­bundið fang­elsi, vegna slyss­ins. Þótti hann hafa sýnt af sér stór­fellt gáleysi er hann ók steypu­bíl á pilt­inn.

Karl­maður á sjö­tugs­aldri sem ók á hinn átta ára Ibrahim Shah í Hafn­ar­firði í októ­ber 2023 hefur nú verið dæmdur í tveggja mán­aða skil­orðs­bundið fang­elsis og til að greiða for­eldrum hans tæpar níu millj­ónir í bænur. RÚV segir frá dóm­inum.

Fram kemur í frétt­inni að Ibrahim Shah hafi lát­ist sam­stund­ist er hann varð fyrir steypu­bílnum við íþrótta­svæði Hauka og Ásvalla­laug á Völlunum í Hafn­ar­firði.

Var steypu­bílnum ekið eftir gang­stíg og svo beygt inn í inn­keyrslu og þaðan keyrt við­stöðu­laust áfram án þess að stefnu­ljós væru gefin. Sést dreng­ur­inn í mynd­bands­upp­töku af atvik­inu, virð­ast reyna að beygja frá svo bíll­inn lendi ekki á honum en allt kom fyrir ekki.

Að sögn dóm­ara við Hér­aðs­dóm Reykja­ness, sýndi mað­ur­inn af sér stór­fellt gáleysi en sam­kvæmt upp­tökum af slysin sem og svið­setn­ingu tækni­deildar lög­regl­unnar, var Ibrahim sýni­legur í hlið­ar­speglum steypu­bíls­ins í 34 sek­úndur áður en keyrt var á dreng­inn. Kemur einnig fram að þó hann hafi horfið úr sjón­svið­inu í allt að þrjár sek­úndur fyrir slysið hafi dreng­ur­inn birst aftur í að minnsta kosti tvær sek­úndur áður en slysið varð. Samkvæmt RÚV gerði öku­mað­ur­inn athuga­semd við svið­setn­ing­una en dóm­ar­inn svar­aði því til að þó svo að miðað væri við lýs­ingu hans, hefði mað­ur­inn átt að geta séð pilt­inn áður en hann keyrði á hann.

Steypu­bíl­stjór­inn sagð­ist hafa gætt eðli­legrar var­úðar en að tak­markað útsýni væri úr bílnum til hægr og að dæmi væri um að hann hafi týnt heilli bif­reið á þeirri hlið. Dómarinn sagði það einmitt stað­festa að enn meiri ástæða hefði verið fyrir hann en ann­ars, að gæta sér­stak­lega að umferð hægra megin við bíl­inn er hann keyrði inn á bíla­stæðið.

„Af ofan­rit­uðu má ráða að ákærði hefði með þeirri aðgæslu sem honum bar að sýna getað séð dreng­inn áður en bif­reiðin lenti á honum,“ segir í dóm­inum. „Dómurinn telur því hægt að full­yrða, sér­stak­lega með vísan til þess sem sjá má á fyrr­greindri mynd­bands­upp­töku, að ákærði hafi ekið ógæti­lega og ekki gætt að því að ganga úr skugga um að hann gæti ekið inn á bif­reiða­stæðið án hættu fyrir gang­andi eða hjólandi umferð.“

Í dómnum er and­lát Ibrahims rakið til stór­fellds gáleysis bíl­stjór­ans en við ákvörðun refs­ingar var tekið mið af því hversu alvar­legar afleið­ing­arnar voru fyrir pilt­inn en aukreit­ist því að slysið hafði veru­lega slæm áhrif á and­lega líðan steypu­bíl­stjór­ans.

Var mað­ur­inn dæmdur til tveggja mán­aða skil­orðs­bund­inna refs­ingar eins og áður segir en refs­ingin fellur niður ef hann heldur skil­orði í tvö ár. Var hann einnig dæmdur til að greiða hvoru for­eldri Ibrahims litla um sig fjórar millj­ónir í bætur og föð­urnum 944 þús­und krónur í útfar­ar­kostnað.