Maðurinn sem skaut 10 til bana og síðan sjálfan sig í Campus Ris­bergska-skól­anum í Örebro í gær var 35 ára gam­all og hafði engin tengsl við gengi.

Samkvæmt SVT var morð­ing­inn sem mætti í Campus Ris­bergska-skól­ann, sem er skóli fyrir full­orðna í Örebro, 35 ára gam­all og tekju­laus, með enga teng­ingu við glæpa­gengi. Hann mætti í skól­ann vopn­aður veiði­riffli sem hann var með skot­leyfi fyrir.

Maðurinn skaut tíu ein­stak­linga til bana áður en hann skaut sjálfan sig. Samkvæmt upp­lýs­ingum sænska mið­ils­ins var það vopnið og skot­veiði­leyfi manns­ins það sem kom lög­regl­unni á sporið um það hver mað­ur­inn var.

Eftir skotárás­ina rudd­ist lög­reglan að íbúð í mið­borg Örebro, þar sem mað­ur­inn var tal­inn lifa en hún hefur ekki gefið upp miklar upp­lýs­ingar, en sam­kvæmt upp­lýs­ingum SVT var mað­ur­inn tekju­laus á árinu 2023 og breytti um nafn á svip­uðum tíma. Þá þekkti lög­reglan mann­inn ekki fyrir árás­ina en hann var ekki á saka­skrá. Einnig var hann ekki tengdur glæpa­gengjum á neinn hátt en lög­reglan telur að hann hafi fram­kvæmt árás­ina einn síns liðs, þó lög­reglan hafi ekki útli­lokað að fleiri ein­stak­lingar teng­ist mál­inu.

Ástæðan fyrir hinni skelfi­legu skotárás er enn óþekkt.