Dagur er hugsi yfir alþjóðamálum: „Hvernig ætlum við að bregðast við?“

Dagur B. Egg­erts­son segir ótrú­lega tíma vera í alþjóða­málum í augna­blik­inu og veltir fyrir sér hvernig Ísland muni bregð­ast við stöð­unni.

Þing­mað­ur­inn Dagur B. Egg­erts­son gerir stöð­una á alþjóða­svið­inu að umtals­efni í nýrri Facebook-færslu en þar veltir hann fyrir sér hvernig best sé fyrir Íslandi að bregð­ast við breyttri sviðs­mynd, nú þegar Donald Trump er tek­inn við stjórn Banda­ríkj­anna.

„Það eru ótrú­legir tímar í alþjóða­málum – hvernig metum við stöð­una og hvernig ætlum við að bregð­ast við?“ segir Dagur í upp­hafi færsl­unnar og heldur áfram:

„Nýr varn­ar­mála­ráð­herra Banda­ríkj­anna gaf í fyrra­dag yfir­lýs­ingar um Úkraínu sem allir banda­menn Úkraínu hljóta að vera hugsi yfir, svo ekki sé meira sagt. Banda­ríkja­for­seti fylgdi í kjöl­farið með sím­tali við Pútin, og svo Zelenskí. Evr­ópu­sam­bandi brást strax við og kall­aði eftir sæti við borðið í vænt­an­legum frið­ar­við­ræðum. Sjö stærstu Evr­ópu­löndin, þar á meðal Bretar voru með í för. Þessir við­burðir hafa tví­mæla­laust fært Breta og ESB nær hvort öðru.“

Dagur segir svo frá því að varn­ar­mála­ráð­herrar NATO-ríkja muni hitt­ast á örygg­is­ráð­stefnu í Muchen í Þýska­landi en þar verða þær Þor­gerður Katrín utan­rík­is­ráð­herra, Kristrún for­sæt­is­ráð­herra og Þórdís Kolbrún, fyrrum utan­rík­is­ráð­herra, meðal þátt­tak­enda. „Eftir helgi hefst svo fundur þing­manna­vett­vangs NATO, þar sem ég fer fyrir sendi­nefnd Alþingis Íslend­inga.“

Þá segir Dagur það merki­legt hvað varnar- og örygg­is­mál voru „gegn­um­gang­andi áherslu­at­riði alls staðar í umræð­unni á Alþingi í gær“.

Segist hann hafa fengið tæki­færi til að útskýra á þing­inu hvað þing­manna­vett­vango Nato væri.

„Ég fékk tæki­færi til að fara yfir hvað þing­manna­vett­vangur NATO væri en ekki síður lýsa þeirri ótrú­legu upp­lifun að hafa verið í nánum sam­skiptum við borg­ar­stjóra Eystra­salts­ríkj­ana og Norð­ur­landa í gegnum und­an­farin ár sem lit­ast hafa af inn­rás Rússa í Úkraínu. Þar höfum við séð hrað­ari breyt­ingar í við­horfum til varnar- og utan­rík­is­mála en nán­ast nokkurn tím­ann áður. Nýtt örygg­is­mat og mögu­legar sviðs­myndir sem leyni­þjón­usta Dan­merkur birti í gær und­ir­strikar að þessi mál og nýtt stöðu­mat er að breyt­ast hratt og getur breyst hratt. Og Ísland og Alþingi þarf að vera vak­andi fyrir þessu og opið fyrir að end­ur­hugsa mjög margt, á nýjum grunni.“