Breskar feg­urð­ar­drottn­ingin Danielle Lloyd hefur verið greind með húð­krabba­mein.

Fyrrum feg­urð­ar­sam­keppn­is­stjarnan, sjón­varps­konan, mód­elið og við­skipta­konan Danielle Lloyd hefur opin­berað að hún hafi verið greind með húð­krabba­mein. Hún var meyr þegar hún sagði aðdá­endum að hún væri „þrumu­lostin“ yfir frétt­unum, og þyrfti að fara í aðgerð.

Í til­finn­inga­þrungnu mynd­bandi sem hún deildi í story á Instagram sagði hún: „Ég veit ekki alveg hvernig ég á að segja þetta og ég vissi ekki hvort ég ætti að koma og segja það en mér finnst eins og ég verði að vekja athygli á þessu hjá öðru fólki. Í dag hef ég verið greind með teg­und af húð­krabba­meini. Og ég vil bara vekja athygli fyrir alla sem gætu haldið að þeir hafi eitt­hvað skrítið á lík­ama sínum, sjái eitt­hvað sem er að stækka óeðli­lega, gerið það, farið til læknis. Maður veit bara aldrei.“

„Ég er þrumu­lostin yfir því sem mér hefur verið sagt í dag en ég hef fengið veru­legan stuðn­ing frá Macmillan-hjúkr­un­ar­fræð­ing­unum á spít­al­anum. Ég verð að fara í aðgerð til að sjá hvort það hafi breiðst út. En já, satt að segja, ekki það sem ég bjóst við í dag. Og ég býst við því að eng­inn býst við svona, en vin­sam­leg­ast, passið upp á húð­ina ykkar. Haldið ykkur frá ljósa­bekkjum, berið á ykkur sól­ar­vörn með 50 í styrk. Passið bara upp á ykkur því maður veit aldrei.“

Danielle hefur verið opin­ská um heilsu­bar­áttu sína og hefur áður greint frá því að hún væri með blöðru á eggja­stokknum. Vegna legs­límuflakks og kirtil­bólgu fór hún í aðgerð til að fjar­lægja blöðr­una og getur þar af leið­andi ekki lengur borið börn.

Á þeim tíma minnt­ist hún á að hún hefði verið flutt í skyndi á sjúkra­hús vegna mik­illar blæð­inga og mik­illa blóð­tappa. Áhyggju­fullir tóku læknar fleiri próf og fundu blöðrur á eggja­stokkum hennar sem síðan voru krabba­meins­próf­aðar.

Það tókst að bjarga henni en sjúk­dóms­grein­ing­arnar þýddu að hún gæti ekki eign­ast fleiri börn sjálf. Þegar hún útskýrði hvernig hún þurfti að haga sér eðli­lega vegna fimm barna sinna sagði hún: „Ég var sann­færð um að ég væri að fara að deyja og grét allan tím­ann. Svo þegar lækn­ir­inn sagði mér að ég væri með allt á hreinu fann ég þennan mikla léttir skol­ast yfir mig.“