Nú er ljóst hvað sex lög keppa um að vera fram­lag Íslands í Eurovision en seinni und­an­úr­slitum lauk á laug­ar­dag­inn.

Um er ræða lögin:

1. Like You – Ágúst
2. Aðeins lengur – Bjarni Arason
3. Fire – Júlí og Dísa
4. RÓA – VÆB
5. Words – Tinna
6. Set Me Free – Stebbi JAK

Lögin Aðeins lengur og RÓA verða flutt á íslensku en hin fjögur á ensku. Í reglum keppn­innar segir að í und­an­úr­slitum verði að syngja lögin á íslensku, en á úrslita­kvöld­inu eigi að nota það tungu­mál sem höf­undur hyggst nota í Eurovision, sigri lagið keppn­ina hér heima.

Í til­kynn­ingu frá RÚV er minnt á að í ár verður breyt­ing á kosn­inga­fyr­ir­komu­lag­inu. Efstu tvö lögin fara ekki í „ein­vígi“ eins og und­an­farin ár heldur er ein síma­kosn­ing allt kvöldið þar sem hægt er að kjósa á milli allra sex lag­anna. Síma­kosn­ing lands­manna vegur helm­ing á móti sjö manna erlendri dóm­nefnd. Fyr­ir­komu­lagið er þá núna svipað og í Eurovision keppn­inni sjálfri og í sænsku und­ankeppn­inni, Melodi­festivalen.