Segir gaman að fylgjast með átökum Íhaldsins: „Vonleysisstjórnmál Valhallar eru sprenghlægileg“

Það hlakkar í Atla Þór Fanndal vegna átak­anna innan Sjálf­stæð­is­flokks­ins um full­trúa á lands­fundi.

Atli Þór Fanndal, fyrrum fram­kvæmd­ar­stjóri Íslands­deildar Transparency International skrif­aði Facebook-færslu eftir hádegi í dag þar sem hann talar um þau átök sem ku vera innan Sjálf­stæð­is­flokks­ins um full­trúra á næsta lands­fundi. Segir hann það gaman að fylgj­ast með átök­unum og segir að sé „ næstum eins og þessi flokkur átti sig ekki á því hvað ger­ist þegar þú ætl­ast til þess að allir keppi alltaf“. Þá segir hann „von­leys­is­stjórn­mál Val­hallar“ vera „spreng­hlægi­leg“.

Hér má sjá færsl­una:

„Það er svo­lítið gaman að fylgj­ast með átökum Sjálf­stæð­is­manna um full­trúa á lands­fundi. Allt í einu er sam­keppni um þau tak­mörk­uðu gæði sem full­trúar á lands­fundi eru og þá fá færri en vilja… í slíku umhverfi er nauð­syn­legt að hafa skýrar leik­reglur til að sinna eins­konar sam­keppn­is­eft­ir­liti. Það er næstum eins og þessi flokkur átti sig ekki á því hvað ger­ist þegar þú ætl­ast til þess að allir keppi alltaf. Ef maður vill ekki skort þá stækkar maður kök­una og skiptir sann­gjarnt eða skiptir kök­unni sem þegar er eftir þeim reglum sem þegar eru til staðar og sátt er um. Von­leys­is­stjórn­mál Val­hallar eru spreng­hlægi­leg nú þegar við hin erum frelsuð undan þessu bulli.“