Grímur Atlason er yfir tveir metrar á hæð og fær að kenna á því dag­lega.

Fram­kvæmda­stjóri hjá Lands­sam­tök­unum Geðhjálp, Grímur Atlason skrif­aði spaugi­lega Facebook-færslu í morgun þar sem hann kvartar sáran undan því að Icelandair hafi neitað honum um sæti við neyð­ar­út­gang.

„Flugvél dags­ins er Bola­fjall. Smá jákvæðni í kjöl­far ann­ars leið­inda byrjun dags en Icelandair neit­aði mér um mögu­leik­ann á kaupum á sæti við neyð­ar­út­gang (eng­inn ama­törismi hjá mér – talað við þjón­ustu­ver fyrir helgi og farið að þeirra ráðum sem voru jafn góð og ráð Musk í efna­hags­málum).“

Ástæðan fyrir því að Grímur vildi sæti við neyð­ar­út­gang­inn er sú stað­reynd að hann er heilir tveir metrar á hæð og tveimur senti­metrum meira en það og vantar fóta­plássið. Segir hann flest vera dýr­ara fyrir svo hávaxna menn og telur fleira til sem hrjáir risa í nútíma sam­fé­lagi.

„Og hér kemur síðan væl Gríms Atla­sonar sem er prótótýpan af nútím­ann­inum og stað­al­bún­aður slíkra manna er 202 cm (og þá ekki í skóm). Flest er dýr­ara fyrir þannig menn: Rúm, rúm­föt, föt, skór, hús­gögn og flug (ef koma á veg fyrir blóð­tappa). Þeir mega ekki fara í fallt­urna í Tivoli og helstu rús­sí­bana (sem er gott en ekki segja

Emil Grímsson

) og það er vont að sitja í leik­húsum, veit­inga­húsum og í bíó en þeir sjá á tón­leikum. Og hananú!Ps. Icelandair er dýrasta lággjalda­flug­fé­lag í heimi.“