Sjúkraflug til Reykjavíkur stóð tæpt í gær – 389 í bráðri hættu flogið á hverju ári

Sjúkra­flug til Reykja­víkur hafa verið að með­al­tali 560 á ári síð­ustu fimm ár. Í gær stóð tæpt að sjúkra­flug­vél í for­gangi gæti lent á Reykja­vík­ur­flug­velli.

Fram kemur í frétt RÚV að í gær hafi staðið tæpt að sjúkra­flug­vél á leið til Reykja­víkur þyrfti að lenda á Kefla­vík­ur­flug­velli í gær. Á Reykja­vík­ur­flug­velli hafa óhag­stæð veð­ur­skil­yrði verið síð­ustu daga og er spáð áfram.

Vegna trjá­gróð­urs í Öskju­hlíð­inni er austur-vestur flug­braut Reykja­vík­ur­flug­vallar enn lokað og því aðeins hægt að nota norður-suður braut­ina. Síðustu daga hefur stíf aust­an­átt og rign­ing verið á Reykja­vík­ur­flug­velli sem getur gert lend­ing­ar­skil­yrði fyrir sjúkra­flug strembn­ari. Á morgun er áfram­hald­andi aust­an­átt spáð í Reykja­vík.

Flug­rekstr­ar­stjóri Nor­landair, sem sér um sjúkra­flug, Tómas Dagur Helgason, segir í sam­tali við RÚV að þrátt fyrir skil­yrðin und­an­far­inn sól­ar­hring, hafi alltaf tek­ist að lenda á Reykja­vík­ur­velli.

„En það stóð tæpt í gær í einu flug­inu sem var tíma­háð for­gangs­flug. Vanda­málið sem er búið að vera eins og í gær, það rigndi mikið með vind­inum og bremsu­skil­yrðin fóru niður, sem gerir það að verkum að það þolir minni hlið­ar­vind. En þetta hékk innan marka.“

Í dag er flug­veð­ur­spáin nokkuð góð en á morgun versnar hún svo aftur.

„Við erum með sér­stakar spár frá Veð­ur­stof­unni varð­andi hlið­ar­vind­inn á þess­ari braut sem er að hjálpa okkur gríð­ar­lega mikið í að meta ástandið, hvað er framundan. Vind­ur­inn virð­ist eiga að fara upp aftur á morgun og er verstur upp úr hádeg­inu, þá verða þessar krítísku aðstæður aftur.“

560 sjúkraflug á ári

Samkvæmt upp­lýs­ingum sem Mannlíf afl­aði sér frá Land­spít­al­anum hafa að með­al­tali 560 sjúkra­flug til Reykja­víkur verið farin á síð­ustu fimm árum. Heild­ar­flug sjúkra­fluga í flokki F1, hafa verið að með­al­tali 179 á ári síð­ustu fimm ár. Þá hafa heild­ar­fjöldi sjúkra­fluga í flokki F2 verið að með­al­tali 210 á ári síð­ustu fimm ár. Sam­an­lagt gerir það 389 sjúkra­flug í flokki F1 og F2. Þá kemur fram í svari Land­spít­al­ans að meiri­hluti sjúkra­flugs í F1 og F2 for­gangi sé til Reykja­víkur.

For­gangur F1 er þegar um er að ræða lífsógn eða bráða­til­vik sjúk­lings, F2 er þegar um er að ræða mögu­lega lífsógn eða bráða­til­vik sjúk­lings, en ekki eins alvar­legt og sam­kvæmt F1.