Vinsældir bandarísku keðjunnar Costco virðast hafa farið dvínandi á Íslandi ef marka má niðurstöður nýrrar könnunar MMR.
Útibú Costco var opnað hér á landi árið 2017. Þá leiddi könnun, sem gerð var í janúar árið 2018, að 71% landsmanna áttu aðildarkort í Costco. Niðurstöður nýrrar könnunar MMR, sem gerð var í maí á þessu ári, leiddi þá í ljós að núna eiga mun færri Íslendingar kort í Costco, eða um 53% landsmanna.
„Er nú rúmlega helmingur (53%) Íslendinga með virkt aðildarkort í Costco samanborið við 71% landsmanna í upphafi árs 2018. Á sama tíma og þeim hefur fækkað sem eru með virkt Costco aðildarkort hefur hlutfalli þeirra sem hyggjast endurnýja kortið aukist. Hyggjast nú 78% þeirra sem hafa virkt aðildarkort endurnýja kortið þegar þar að kemur samanborið við 60% í janúar 2018,“ segir meðal annars á vef MMR.
Könnunin leiddi einnig í ljós að nokkur munur var á Costco aðild eftir stjórnmálaviðhorfum. Stuðningsfólk Miðflokksins reyndist hvað líklegast til að vera með Costco aðildarkort.
könnun
Tíu mest streituvaldandi störfin – Er það þitt starf?
Ísland er næst dýrast í Evrópu – Hundrað prósent dýrari þegar kemur að menntun og heilsu
Meiri kvíði hjá stúlkum og kynsegin nemendum heldur en hjá drengjum
Tæplega 10 prósent ungmenna hvorki í námi né vinnu
Lúsmýið sækir í Vinstri græn en er síst fyrir Pírata
Athugasemdir