Sylvía er sú fyrsta í fjöl­skyld­unni sem leggur stund á lækn­is­fræði þannig að eng­inn nákom­inn var fyr­ir­mynd hennar í því. Þegar hún var 12 ára gömul lést móðir hennar úr krabba­meini.

„Já, and­lát hennar hafði örugg­lega mikil áhrif,“ segir Sylvía aðspurð um hvort það hafi haft áhrif á áhuga hennar á lækn­is­fræð­inni.

„Það var mjög erfitt að missa mömmu, en ég fékk mik­inn stuðn­ing frá öllum, frænkum og frændum, við að takast á við miss­inn. Pabbi bjó í Banda­ríkj­unum á þessum tíma og flutti aftur heim til Íslands tveimur dögum eftir lát mömmu.“

Sylvía við útskrift ur líf­fræði við Uni­versity of California.

Faðir Sylvíu og þrjú hálf­systk­ini hennar búa á Íslandi, en hvernig er að vera svona langt frá þeim? „Það var erfitt fyrst en við tölum saman á Facetime dag­lega sem gerir þetta allt auð­veld­ara. Ég reyni að koma heim einu sinni á ári, tvisvar ef ég get. Litla systir mín, tíu ára, vex og dafnar og það er svo­lítið erfitt að missa af því öllu, en tæknin gerir allt miklu auð­veld­ara,“ segir Sylvía.

Lestu við­talið við Sylvíu í heild sinni í nýjasta Mannlífi.