Fyrr í þessum mán­uði sendu þau frá sér lagið Criminal af nýju plöt­unni en nú er komið út mynd­band við lagið.

Mynd­bandið við lagið er unnið af Birgittu Stef­áns­dóttur og var það tekið upp að hluta til í stúd­íó­inu þeirra uppá Höfða sem kallasat 43 Clubhouse, og í Hval­firði. Mynd­bandið sýnir inn í hug­ar­heim lista­kon­unnar þar sem fyrrum elsk­hug­inn birt­ist ítrekað, þrátt fyrir til­raunir hennar til að loka á við­kom­andi.

Myndband við lagið Criminal er komið út.

Bergrós segir að lagið sjálft fjalli um víta­hring­inn að reyna að hætta að hugsa um ein­hvern, sem lætur mann hugsa meira um við­kom­andi. „Mann­eskjan er stöðugt óboðin að lauma sér inn í hugs­anir manns þar sem það er hæg­ara sagt en gert að slökkva á öllum til­finn­ingum þegar maður helst vill það – sem getur verið óþol­andi,” útskýrir hún.

Í mynd­band­inu not­ast þau við opinn eld og var Bergrós sjálf og leik­ar­inn komin með sviða í augu við tök­urnar á því. Þau létu það þó ekki á sig fá og héldu and­liti og úr varð þetta glæsi­lega mynd­band.

Sjá einnig: Víta­hringur að reyna að hætta að hugsa um ein­hvern