Verkfall blaðamanna hafið

Verkfall blaða- og töku­manna og ljós­mynd­ara sem starfa á net­miðlum Sýnar, RÚV, Frétta­blaðs­ins og Morg­un­blaðs­ins hófst núna klukkan 10:00 og stendur yfir til klukkan 14:00. Þetta er fyrsta verk­fall blaða­manna síðan 1978.

Samtök atvinnu­lífs­ins og Blaða­manna­fé­lag Íslands eru ekki sam­mála um fram­kvæmd verk­falls­ins en Hjálmar Jónsson, for­maður BÍ, sagði í sam­tali við Mannlíf í vik­unni að ekk­ert ætti að fara inn á netið á þeim miðlum sem fara í verk­fall á þessum tíma. „Það fer ekk­ert efni inn á netið á þessum miðlum á milli klukkan 10:00 og 14:00 á föstu­dag­inn. Og töku­menn og ljós­mynd­arar fara ekki í tökur á þessi tíma­bili. Og þetta á líka við um verk­taka,“ sagði Hjálmar.

Bæði Vísir og Frétta­blaðið hafa birt fréttir á vef sínum þess efnis að blaða­menn séu farnir í verk­fall. Enga til­kynn­ingu er að finna á vef RÚV né mbl.is

Sjá einnig: „Það gerir það eng­inn að gamni sínu að fara í verk­fall“