Sagt er frá gangi rann­sókn­ana á vef lækna­blaðs­ins Lancet. Þetta er í fyrsta skipti sem rann­sóknir á bólu­efni af þessu tagi kom­ast á það stig að vera próf­aðar á mann­fólki. Rann­sóknir eru enn skammt á veg komnar og munu taka nokkur ár. Ef allt gengur að óskum gæti bólu­efnið verið komið á markað innan fimm ára.

„Nið­ur­stöð­urnar lofa góðu þar sem þær sýna að bólu­efnið er öruggt og fram­kallar ónæmi sem mögu­lega gæti varist klamydíu. Næsta skref er að gera fleiri rann­sóknir en þangað til vitum við ekki hvort efnið veiti fulla vörn. Við von­umst til að hefja næsta stig rann­sókna á næsta eða þarnæsta ári. Ef þær rann­sóknir ganga vel gætum við verið til­búin með bólu­efni eftir um það bil fimm ár,“ hefur BBC eftir Robin Shattock, einum vís­inda­mann­anna sem kemur að þróun bólu­efn­is­ins.

Klamydía er langal­geng­asti kyn­sjúk­dóm­ur­inn á Íslandi. Í fyrra greindust 1.634 til­felli sem þó var umtals­verð lækkun frá árinu á undan þegar skráð til­felli voru 2.197 tals­ins. Klamydíu­bakt­er­ían getur valdið ófrjó­semi hjá konum og þess vegna er mik­il­vægt að með­höndla sjúk­dóm­inn snemma, segir á vef land­læknis. Þar kemur jafn­framt fram að smokk­ur­inn sé eina vörnin gegn smiti.