Tortellini með gráðaosti, hráskinku og perum
Fyrir 4
2 msk. olía
2 perur
500 g ferskt tortellini
100 g spínatblöð
125 g hráskinka
100 g gráðaostur
4 msk. jómfrúarolía
1-2 msk. hvítt balsamedik
nýmalaður pipar
Skerið perurnar í lauf og veltið þeim upp úr olíu. Steikið eða grillið þær þar til þær eru farnar að taka lit. Sjóðið tortellini eftir leiðbeiningum á pakkanum.
Raðið spínatblöðum, hráskinku, perum og pasta á fat eða diska. Myljið gráðaostinn yfir. Hellið jómfrúarolíu og balsamediki yfir réttinn og malið pipar yfir.
Umsjón / Sigríður Björk Bragadóttir
Myndir / Bragi Þór Jósepsson
Stílisti / Hanna Ingibjörg Arnarsdóttir
Kjósa
Hvernig finnst þér þessi grein? Skráðu þig inn til að kjósa.
Tengdar greinar
einfalt
Fljótlegur og einfaldur hversdagsfiskréttur
Hér erum við í hversdagslegum hugleiðingum með fiskinn enda ekki að ósekju að reglulega heyrist talað um mánudagsýsur og þriðjudagsþorska. Hér er þó enginn miðvikudagsmarhnútur á ferðinni heldur eðalfiskréttur sem auðvelt og fljótlegt er að laga fyrir alla fjölskylduna þegar komið er heim úr vinnu eða skóla.
Næringarík súpa með kjarngóðum sælkerapylsum
Fékkstu fullt af matargóðgæti í jólagjöf sem þú veist ekki alveg hvernig þú getur notað? Til dæmis ýmiskonar sælkerapylsur? Hér er frábær matarmikil uppskrift að súpu sem gott er að grípa til núna milli jóla og nýjárs og ekki hika við að breyta og bæta eftir því sem til er í ísskápnum.
Sparilegt pasta sem ærir bragðlaukana
Ef þú ert í stuði fyrir smá kolvetni þá er fátt betra en að skella í fljótlegan og góðan pastarétt. Þessi er flottur í helgarmatinn enda humar einstaklega sparilegt hráefni.
Einfaldur réttur sem hentar vel í miðri viku
Nautahakk er eitthvað sem margir grípa til á virkum dögum enda hráefni sem hentar í fljótlega og einfalda rétti. Ef þið viljið breyta út frá hinu hefðbundna hakk og spaghetti eða kjötbollum er tilvalið að prófa innbakað nautahakk.
Einstaklega einfaldur og bragðgóður kínverskur kjúklingaréttur
Kjúklingur er hráefni sem tekur mjög vel í sig bragð. Þess vegna er svo gott að nota hann þegar mismunandi krydd eru notuð. Þessi bragðmikli réttur er látinn malla í einum potti sem gerir matseldina einfalda.
Bragðgóð blómkálsbaka
Þegar hráefnið er fyrsta flokks er óþarfi að flækja hlutina mikið, yfirleitt er það einfaldasta best. Fátt jafnast á til dæmis á við ferkst grænmeti eins og sannast hér þar sem uppskrift er gefin að blómkálsböku frá Persíu.
Athugasemdir