Ráðlagt er að borða fimm skammta af græn­meti og ávöxtum á dag eða minnst 500 g sam­tals. Velja gjarnan gróft græn­meti eins og t.d. rót­ar­græn­meti eins og gul­rætur og rófur en einnig blóm­kál og hvít­kál.

Börn að 10 ára aldri þurfa þó heldur minni skammta.

Fitu­litlar og hreinar mjólk­ur­vörur eru góður kostur. Veljið ósykraðar eða mjög lítið sykraðar mjólk­ur­vörur helst án sætu­efna. Passlegt magn er tveir skammtar á dag.

Vítamín eru nauð­syn­leg. D-vítamín gegnir meðal ann­ars mik­il­vægu hlut­verki í kalk­bú­skap lík­am­ans og er nauð­syn­legt fyrir upp­bygg­ingu beina.

Virðum mag­ann okkar og borðum hæfi­lega mikið, ekki þar til við erum að springa. Maturinn, magnið og mál­tíða­mynstrið er grund­völlur góðra mat­ar­venja.

Hvað eru ráðlagðir dagskammtar?

Ráð­lagðir dag­skammtar (RDS) er það magn nauð­syn­legra vítamína og stein­efna sem talið er full­nægja þörfum alls þorra fólks. Þarfir fólks fyrir nær­ing­ar­efni eru mjög breyti­legar og því geta RDS-gildin ekki sagt til um ein­stak­lings­bundnar þarfir. Skammt­arnir koma þannig fyrst og fremst að notum við að skipu­leggja mat­seðla og meta nær­ing­ar­gildi fæðu fyrir hópa fólks eða sem við­mið­un­ar­gildi fyrir hollt fæði.