Spelt­hveiti hefur hærra trefja­inni­hald en hvítt hveiti. Það inni­heldur líka mörg stein­efni, eins og kopar, zink og járn, og svo er það B-vítamín­ríkt. Ekkert ger er í þessu brauði og þarf það því ekki að hef­ast, það er best nýbakað. Mjög fljót­legt er að gera deigið og svo er til­valið að baka brauðið í ofn­inum á meðan pott­rétt­ur­inn eða súpan er elduð.

Sóda­brauð með spelt­hveiti og chia-fræjum
– fyrir eitt með­al­stórt brauð

500 g gróft spelt­hveiti
50 g chia-fræ
2 tsk. sjáv­ar­salt
2 tsk. lyfti­duft
1 msk. hun­ang
60 ml olía
1 msk. sítrónu­safi
480 ml möndlu­mjólk, soja- eða hrís­grjóna­mjólk
4 msk. fræ að eigin vali, eins og sól­blóma-,
sesam- eða graskers­fræ

Hitið ofn­inn í 180°C. Blandið hveiti, chia-fræjum, salti og lyfti­dufti saman. Blandið hun­angi, ólífu­olíu, sítrónusafa og mjólk saman.

Hellið blönd­unni yfir þurr­efnin og mótið 2 minni brauð­hleifa úr deig­inu eða 1 stóran. Setjið brauðin á smjör­pappír og skerið krossa á topp­inn, penslið með smá­vegis af mjólk og stráið fræjum yfir.

Bakið í 40 mín. og lækkið þá hit­ann í 160°C og bakið áfram í 10-15 mín. Látið kólna í nokkrar mín­útur áður en það er skorið.

Best volgt með smjöri eða góðu mauki, eins og rauðrófum­auk­inu á bls 84, síð­asta bit­anum í blað­inu.

Umsjón / Bergþóra Jóns­dóttir
Mynd / Hallur Karlsson
Stílisti / Hanna Ingi­björg Arn­ars­dóttir