Grænar linsu­baunir með eggi
fyrir 4

1 msk. ólífu­olía
1 laukur, fín­saxaður
2 hvít­lauks­geirar, saxaðir
1 gul­rót, söxuð
200 g grænar linsu­baunir
1 lítri græn­met­is­soð eða vatn
1 lár­við­ar­lauf
2 msk. dijon-sinnep
1 msk. sítrónu­safi
10-20 g smjör
100 g sveppir, saxaðir
salt og pipar
4 egg, hleypt, linsoðin eða spæld á pönnu

Hitið ólífu­olíu í með­al­stórum potti og steikið lauk­inn þar til hann verður glær og fer að mýkj­ast. Bætið hvít­lauk og gul­rót saman við og steikið í nokkrar mín. eða þar til hvít­lauk­ur­inn fer að gyll­ast.

Hellið linsu­baun­unum út í og hrærið allt vel saman. Hellið græn­met­is­soð­inu yfir og leggið lár­við­ar­lauf í pott­inn. Náið upp suðu og lækkið síðan hit­ann og látið hæg­sjóða í u.þ.b. 20 mín­útur.

Takið lokið af og hrærið sinnep og sítrónusafa saman við. Brag­bætið með salti og pipar.

Eldið í 10-15 mín. til við­bótar eða þar til linsu­baun­irnar hafa eld­ast en hafa þó enn þá smá­bit. Takið af hit­anum og látið standa í 10 mín­útur.

Steikið svepp­ina upp úr smjöri á pönnu yfir með­al­háum hita þar til þeir gyll­ast. Blandið þeim saman við linsu­baun­irnar. Brag­bætið með salti, pipar og sítrónusafa ef þarf. Skiptið á milli skála og leggið eggið ofan á.

Umsjón / Nanna Teits­dóttir
Stílisti / Hanna Ingi­björg Arn­ars­dóttir
Myndir/ Hákon Davíð Björns­son