Reiðhjól rokseljast – „Fólk ætlar sér greinilega að hugsa um heilsuna í sumar”

Við sögðum frá því í vik­unni að löng röð hefur mynd­ast fyrir utan hjóla­versl­un­ina Örninn und­an­farna daga og er útlit fyrir að margt fólk ætli að nýta sum­arið í hjól­reiðar.

Starfs­maður hjá Erninum sagði starfs­fólk varla hafa undan við að þjón­usta við­skipta­vini sem eru ýmist að kaupa ný hjól, hjóla­búnað eða við­gerð­ar­þjón­ustu. Hann sagði þrek­tækin nán­ast hafa selst upp þegar sam­komu­bannið tók gildi.

Mark­aðs­stjóri TRI versl­unar hefur svip­aða sögu að segja. Hann segir aug­ljóst að fólk ætli að nýta sum­arið vel þrátt fyrir þá óvissu sem ríkir vegna COVID-19.

„Það er búið að vera mjög fínt að gera hjá okkur síð­ustu vikur en fólk ætlar sér greini­lega að hugsa um heils­una í sumar,” segir Valur Rafn, mark­aðs­stjóri TRI, í sam­tali við Mannlíf.

„Vef­verslun TRI hefur gengið mun betur en und­an­farin ár og hafa margir pantað CUBE reið­hjólin, trainera og fatnað og fengið vör­urnar senda heim,” segir Valur.

Hann segir svo­kall­aða trainera, sem gera fólki kleift að hjóla og æfa sig heima, hafa rokið út í mars. „Í byrjun mars seld­ust allir trainerar upp hjá okkur en þá vorum við að fást við mjög óvenju­legt ástand eins og allir vita.”