Græn­ker­arnir og syst­urnar Helga María og Júlía Sif, sem halda úti upp­skrifta­síð­unni Veganistur, halda útgáfu­boð í dag í til­efni þess að bókin Úr eld­hús­inu okkar kom út í des­em­ber. Í bók­inni er að finna fjölda vegan upp­skrifta.

Þær systur eru him­in­lif­andi með við­brögðin sem bókin hefur fengið. „Bókin hefur selst gríð­ar­lega vel og jákvæð við­brögð hafa farið fram úr okkar björt­ustu vonum. Við erum ótrú­lega þakk­látar og glaðar,“ segir Helga María.

Hún segir bók­ina vera fyrir alla sæl­kera, ekki bara þá sem eru vegan. „Þessi bók er gerð fyrir alla, hvort sem við­kom­andi er vegan eða ekki. Hún inni­heldur upp­skriftir alls­konar upp­skriftir, aðal­rétti, bakstur og stóran hátíð­ar­kafla svo eitt­hvað sé nefnt. Upp­skriftir sem við elskum að elda og von­umst til að öðrum þyki jafn góðar og okkur,“ segir Helga María.

Útgáfu­hófið hefst klukkan 17.30 á Kaffi­slippnum á Slipp­barnum. Syst­urnar munu bjóða upp á léttar veit­ingar í föstu og fljót­andi formi. „Bókin verður svo seld á góðu verði og við munum árita bæði bæk­urnar sem keyptar verða í hóf­inu og ein­tök sem fólk á fyrir og taka með sér.“