Lena Dunham, sem varð heims­fræg á einni nóttu fyrir sjón­varps­þætt­ina Girls, fetar nú í fót­spor Charles Dickens, Dostojev­skís og fleiri skáldjöfra með því að skrifa skáld­sögu sem birt­ist sem fram­halds­saga á vef­síðu tísku­tíma­rits­ins Vouge. Verður birtur einn kafli sög­unnar á dag og annan hvern dag endar kafl­inn á spenn­andi augna­bliki þar sem sögu­hetjan á um tvo kosti að velja og les­endum gefst kostur á að velja um það hvorn kost­inn þeir vilja að hún taki.

Sagan heitir Verified Strangers og er nútíma ást­ar­saga sem ger­ist í Los Angeles og London. Fyrsti kafl­inn birt­ist í dag og á morgun gefst les­endum sem sagt kostur á því að ákveða hvernig þriðji kafl­inn þró­ast.

Sögu­hetj­unni, Ally, lýsir Dunham svona: „Þrjátíu og tveggja ára, ólofuð og veltir sér upp úr hjarta­sári sem hefur verið mörg ár að gróa.“ Hún er líka háð stefnu­mótum en sam­kvæmt sög­unni er ekki um auð­ugan garð að gresja í þeim málum í Los Angeles svo vin­kona hennar stingur upp á að hún tak­marki leit­ina að væn­legum kærustum við „ókunn­uga sem stað­fest er að eru í lagi“, sem sagt vini vina sinna sem mæli með þeim.

Hljómar ágæt­lega og örugg­lega margt vit­laus­ara hægt að gera í félags­legu ein­angr­un­inni en að hjálpa Lenu Dunham að ákveða sögu­þráð í skáld­sögu, eða hvað?