For­stjóri Heil­brigð­is­stofn­unar Vest­ur­fjarða Gylfi Ólafsson og bak­vörð­ur­inn Anna Aurora Waage Ósk­ars­dóttir eiga ævin­týra­lega viku að baki.

Góð vika – Gylfi Ólafsson
Íslenska þjóðin hafði ástæðu til að gleðj­ast í vik­unni þegar greint frá því að COVID-19 far­ald­ur­inn væri á und­an­haldi og í fram­hald­inu voru lagðar fram til­lögur um til­slak­anir á sam­komu­banni frá og með 4. maí. Góð tíð­indi fyrir þrí­eykið Ölmu D. Möller land­lækni, Þórólf Guðnason sótt­varna­lækni og Víði Reyn­is­son yfir­lög­reglu­þjón, sem hafa staðið sig með ein­dæmum vel. Þá hafði Gylfi Ólafsson, for­stjóri Heil­brigð­is­stofn­unar Vest­fjarða, sér­stakt til­efni til að gleðj­ast. Gylfi hefur und­an­farið vakið athygli og aðdáun margra fyrir vask­lega fram­göngu í bar­átt­unni við COVID-19 á Vest­fjörðum. Í vik­unni fékk hann þau góðu tíð­indi að sýni sem tekin voru úr bak­varða­sveit á hjúkr­un­ar­heim­il­inu Bergi í Bol­ung­ar­vík voru öll nei­kvæð, en þau voru tekin eftir að kona úr bak­varða­sveit­inni var hand­tekin, grunuð um að hafa villt á sér heim­ildir. Til að toppa allt var lag sem Gylfi og frændi hans gáfu út fyrir 20 árum dregið fram í dags­ljósið og sló ræki­lega í gegn og var Gylfi hylltur eins og rokk­stjarna í kjöl­farið. Ekki ama­lega vika hjá for­stjór­anum fjöl­hæfa.

Slæm vika – Anna Aurora Waage
Eflaust hafa fáir átt jafnafleita viku og bak­vörð­ur­innn Anna Aurora Waage Ósk­ars­dóttir sem komst í fjöl­miðla eftir að hún var hand­tekin á föstu­dag í síð­ustu viku vegna ásak­ana um þjófnað og að hafa villt á sér heim­ildir sem bak­vörður á hjúkr­un­ar­heim­il­inu Bergi í Bol­ung­ar­vík. Anna Aurora steig fram í við­tali í Mannlífi og sagð­ist vera í áfalli eftir hand­tök­una. „Að lenda svo í þessu er alveg skelfi­legt, þetta er eins og ein­hver lyga­saga.“ Lýsti hún yfir sak­leysi sínu og sagð­ist ætla að stefna for­stjóra Heil­brigð­is­stofn­unar Vest­fjarða og lög­reglu­stjór­anum á Vest­fjörðum vegna hand­tök­unnnar. En þar með var ekki öll sagan sögð því í kjöl­farið fóru fjöl­miðlar að greina frá því að þeim hefði borist „fjöld frá­sagna af meintum svikum kon­unnar“, eins og sagði í Frétta­blað­inu og hafa sam­fé­lags­miðlar logað vegna máls­ins. Á nán­ast hverjum degi virð­ist eitt­hvað nýtt koma fram og ljóst að ekki eru öll kurl komin til grafar.