Verkföll félags­manna Eflingar sem starfa hjá Reykja­vík­ur­borg hafa mikil áhrif á barna­fjöl­skyldur í Reykja­vík. Ásdís Gunn­ars­dóttir, tveggja barna móðir, seg­ist vera reið vegna ástands­ins. Ásdís skrif­aði færslu um málið á Facebook í fyrra­dag og lýsti ástand­inu á heim­il­inu. Hún segir það vera „óbæri­legt“ fyrir dóttur sína sem er með ein­hverfu og skertan þroska.

Í sam­tali við Mannlíf kveðst Ásdís Gunn­ars­dóttir hafa fengið mikil við­brögð frá for­eldrum í sömu stöðu við Facebook-færslu þar sem hún talar um ástandið sem hefur skap­ast á heim­ili hennar vegna verk­falla félags­manna Eflingar sem starfa á leik­skólum Reykja­vík­ur­borgar. „Fólk er að tengja við það sem ég skrif­aði og mjög margir eru í sömu sporum. Fólk er mjög reitt og margir eru algjör­lega komnir á brún­ina and­lega.“

Í umrædda færslu skrif­aði Ásdís meðal ann­ars: „Nú verð ég bara að segja eitt­hvað. Ég er svo reið yfir ástand­inu þessa dag­ana, ég er reið út í Reykja­vík­ur­borg og ég er reið út í Eflingu. Ég á tvö börn, Fjólu sem er 5 ára og er með fötlun og Frosta sem er 1,5 árs. Þau eru búin að vera ca 80% úr leik­skóla und­an­farnar vikur. Frosti á erfitt með þetta rót eins og flest börn en fyrir Fjólu Röfn er þetta óbæri­legt ástand. Hún er með ein­hverfu og skertan þroska og rútínan, þjálfunin og leik­skólaum­hverfið er henni nauð­syn­legt.“

Hún bætir við að amma barna sinna hafi hjálpað mikið en að það sé ómögu­legt fyrir hana að ná að sinna börn­unum „eins og þau eiga skilið alla daga“.

Í færslu sinni spyr Ásdís af hverju sé ekki verið að gera neitt. Að hennar mati fer of mikil orka hjá samn­ings­að­ilum í ómál­efna­legar ásak­anir á sam­fé­lags­miðlum. „Og svo virð­ist vera fundað eftir henti­semi af og til þegar eðli­legt væri að gera það allan sól­ar­hring­inn þangað til kom­ist er að nið­ur­stöðu,“ skrifar Ásdís. Hún bætir við að allir á hennar heim­ili séu að missa geð­heils­una vegna álags.

Að fylgjast með samskiptum Dags og Sólveigar veldur vanlíðan

Ásdís merkir Eflingu, Sólveigu Önnu Jóns­dóttur, for­mann Eflingar, Reykja­vík­ur­borg og Dag B. Egg­erts­son borg­ar­stjóra í færsl­unni sinni og hvetur þau til að leysa málið. Aðspurð hvort að hún hafi fengið ein­hver við­brögð frá þeim segir Ásdís: „Nei, ég hef ekk­ert svar fengið frá þeim.“

Dagur og Sólveig hafa verið gagn­rýnd fyrir seina­gang í samn­inga­við­ræðum. Ásdísi líður illa þegar hún fylgist með sam­skiptum Dags og Sól­veigar Önnu á sam­fé­lags­miðlum. Eins og málið blasir við henni leggja þau of mikla orku í deilur á Netinu og í fjöl­miðlum. „Mér finnst eins og eng­inn vilji sé til að setj­ast niður og ræða málin og gera mála­miðl­anir. Mér finnst þetta snú­ast um stolt, hót­anir og yfir­gang. Ég hef bara verið mjög pirruð og leið að fylgj­ast með þessu,“ segir Ásdís.

Sendingar fram og til baka

Verk­falls­að­gerðir Eflingar hafa skert þjón­ustu í leik­skólum borg­ar­innar mikið síðan þær hófust um miðjan febr­úar. Síðan þá hafa Dagur B. Egg­erts­son borg­ar­stjóri og Sólveig Anna Jóns­dóttir, for­maður Eflingar, tek­ist á í fjöl­miðlum og á sam­fé­lags­miðlum.

Margt fólk hefur gagn­rýnt sam­skipti Dags og Sól­veigar Önnu sem hafa gjarnan farið fram í gegnum Facebook.

Það hefur þótt áhuga­vert að fylgj­ast með sam­skit­pum S’olveigar og Dags á sam­fé­lags­miðlum.

Líf Magneu­dótt­ir, borg­ar­full­trúi Vinstri grænna, er ein þeirra sem hefur bent á að það sé ekki rétta leiðin til að leysa málið. „Samn­ingar nást hins vegar ekki með Facebookstatusum og fyrir milli­göngu fjöl­miðla­manna. Samn­ingar nást við samn­ings­borðið. Þeir nást með sam­tal­inu,“ skrif­aði Líf meðal ann­ars í færslu á Facebook í vik­unni.

Hver Facebook-færslan á fætur annarri

Sjálfur hefur Dagur sagt í færslu á Facebook að honum þyki of mikil orka tals­manna Eflingar fara í að efna til átaka. „Ég vildi óska að sami kraftur væri settur í samn­inga­gerð­ina og ítrekað virð­ist fara í skeyta­send­ingar í minn garð og samn­inga­nefndar borg­ar­innar,“ skrif­aði hann á Facebook.

Á meðan Sólveig hefur sagt Dag lofa öllu fögru í við­tölum við fjöl­miðla en ekki gefa sömu lof­orð í samn­inga­her­berg­inu seg­ist Dagur standa við allt það sem hann segir í fjöl­miðlum. Þegar hann boð­aði Eflingu á fund í vik­unni birti Sólveig færslu á Facebook-vegg hans. Hún sagð­ist vera til­búin að hitta hann en með tveimur skil­yrðum.

„Í fyrsta lagi að þú birtir opin­ber­lega það til­boð (glær­urnar) sem samn­inga­nefnd minni var kynnt á samn­inga­fundi 19. febr­úar, dag­inn sem þú mættir í Kast­ljós­svið­talið, þannig að allir geti borið til­boðið saman við ummæli þín í Kast­ljós­inu. Í öðru lagi að þú fall­ist á að mæta mér eða öðrum full­trúa Eflingar í setti í útvarps- eða sjón­varps­við­tali áður en vikan er úti,“ skrif­aði hún.

Þegar fréttin var skrifuð hafði rík­is­sátta­semj­ari boðað við­semj­endur í kjara­deilu borg­ar­innar og Eflingar á samn­inga­fund klukkan 16:00 í gær, fimmtu­dag­inn 5. mars.