Allir vita að besta leiðin til að minnka útbreiðslu kórónaveirunnar er að þvo sér oft og vandlega um hendurnar. Heilbrigðisyfirvöld segja að til að koma að fullu gagni þurfi þvotturinn að standa yfir í tuttugu sekúndur.
Sums staðar er mælt með því að syngja afmælissönginn tvisvar til að passa upp á að handþvotturinn standi yfir í þessar margumræddu tuttugu sekúndur, en það verður ansi leiðigjarnt til lengdar að syngja „Hún á afmæli í dag“ mörgum sinnum á dag þannig að netverjar og vefmiðlar hafa undanfarna daga keppst við að koma með tillögur að skemmtilegri lögum til að syngja á meðan passað er upp á að handþvotturinn skili tilætluðum árangri.
Meðal þess sem verið hefur í umferð á samfélagsmiðlunum er kennsluplakat í „réttum“ handþvotti sem búið er að setja hluta textans við Think About Things með Daða og Gagnamagninu inn á.
Aðrir hafa tekið sama plakat og skryett það með texta úr Makbeð eftir Shakespeare, sem sýnir að það eru í rauninni engin takmörk fyrir því hvernig við getum gert okkur handþvottinn léttbærari.
Hér eru nokkrar tillögur að lögum sem smellpassa í þessum tilgangi, sérstaklega ef fólk heldur sig við að syngja viðlag hvers lags tvisvar. Góða skemmtun!
Ooh Ahh… Just a Little Bit – Gina G
Jolene – Dolly Parton
Allt fyrir ástina – Páll Óskar
Stayin’ Alive – Bee Gees
Ein Bischen Frieden – Nicole
Sjá einnig: Ert þú að þvo hendurnar rétt?
góð ráð
Rökhugsunin virkar ekki sem skyldi þegar fólk er æst
Heldur þú heimilinu gangandi á meðan maki þinn gerir ekkert?
Bólótt húð – hvað er til ráða?
Rakagefandi hanskar frá Muraki
Fín viðbót við daglega fæðu
Athugasemdir