Guð­mundur Franklín Jónsson for­seta­fram­bjóð­andi segir að allir vinstri menn séu hálf­gerðir sóðar, nátt­úru­vernd­ar­sóðar og krefst þess jafn­framt að kosn­inga­stjóri Guðna Th. Jóhann­es­sonar for­seta biðj­ist afsök­unar á því að hafa kallað hann ras­ista.

„Þarna í gær kemur mark­aðs­mað­ur­inn hans, kosn­inga­stjór­inn Sveinn Waage, þetta er mik­ill maður og hann er þarna í ein­hverjum þætti á einni stöð­inni, og hann gefur í skyn að ég sé ras­isti. Það er alltaf í rest­ina þegar menn eru orðnir alveg tómir með allt, sem þeir eiga ekk­ert eftir, þá spila þeir ras­istasplinu. Mér finnst þetta svo lág­kúru­legt … Það gæti ekk­ert verið fjarri lagi sann­leik­anum,“ sagði Guð­mundur Franklín Jónsson for­seta­fram­bjóð­andi í beinni á Facebook-síðu í morgun og bætti um betur með að segja að Sveinn hefði rang­lega gefið í skyn í þætt­inum að Guð­mundur væri stofn­andi Íslensku þjóð­fylk­ing­ar­innar. Það væri frá­sinna.

„Hann vildi meina að ég væri ras­isti og að ég hefði stofnað Íslensku þjóð­fylk­ing­una,“ sagði Guð­mundur og und­ir­strik­aði að flokk­ur­inn sem hann stofn­aði á sínum tíma Hægri græn ætti ekk­ert skylt við Íslensku þjóð­fylk­ing­una heldur hann hafi þvert á móti fyrst og fremst verið nátt­uru­vernd­ar­flokkur.

„Við vorum hægri sinn­aðir. Vegna þess að mér finnst og mér fannst og finnst að þeir sem eru vinstra megin í póli­tík séu hálf­gerðir sóðar, nátt­úru­vernd­ar­sóðar. Við þurfum ekki nema líta á sög­una … Þá er ég að tala um hrika­lega meng­un­ar­sögu mann­kyns. Hvar var meng­un­ina mest að finna? Mest í Aust­an­tjalds­löndum og Sov­ét­ríkj­unum sál­ugu þótt þau hafi þrifið upp margt eftir sig. Síðan er hann núna að finna í Kína og hvað er Kína? Kína er ekki bara komm­ún­ista­ríki. Það er alræð­is­ríki. Þannig að vinn­stri­mennska hefur í för með sér sóða­skap á svo mörgum, mörgum öðrum sviðum heldur en mál­flutn­ingi, bara svo menn hafi það í huga. Ég er s.s. að tala um öfga vinstri menn.“

Guð­mundur seg­ist hafa verið far­inn úr landi þegar Íslenska þjóð­fylk­ingin hafi verið stofnuð og hafi ekki vitað um hana. „Síðan fer ég erlendis. Tveimur árum seinna, mað­ur­inn sem tók við flokknum mínum stofnar annan flokk. Þá sagði þessi maður, kosn­inga­stjóri Guðna að ég hefði stofnað Íslensku þjóð­fylk­ing­una … Ég veit ekki einu sinn hvort Íslenska þjóð­fylk­ingin er til, var ekki í henni og vissi ekk­ert um hana. Hún er stofnuð tveimur árum eftir að ég fer úr landi, til Dan­merkur. Þannig að þessi maður verður aðeins að athuga sinn gang.“

Þá sagði Guð­mundur að gagn­stætt því sem sumir héldu fram væru Íslend­ingar ekki ras­istar og hann allra síst. „Það skiptir ekki máli fyrir mig hvað þú heitir, hvort þú ert kona eða karl, svartur eða hvítur, gulur eða grænn. Það skiptir máli hvað þú segir, hver þú ert, hvernig þú hagar þér, hvað þú vilt gera, hverjir eru draumar þínir. Það er það sem skiptir máli. … Þetta var það alversta sem þau gátu komið með, Guðna menn og Guðna fólk, vegna þess að Guðni hefur kallað Íslensku þjóð­ina ras­ista,“ sagði hann og vitn­aði í fyr­ir­lestur sem Guðni flutti á Bifröst 2013.

„Mikið er gjört úr því að íslensk stjórn­völd hafi mikil áhrif á þróun haf­réttar með því að leiða kröf­una um 50 mílur ’72 og síðan 200 mílu ’75. Þetta nálg­ast ein­hvers konar ras­isma. Því ríki róm­versku Ameríku voru farin að færa út í 200 mílur 1948,“ las Guð­mundur upp úr téðum fyr­ir­lestri. „Þannig að núna er hann að segja í þessu að Íslend­ingar séu ras­istar fyrir það eina að vilja færa út efna­hags­lög­sög­una sína.“

Þá fór Guð­mundur fram á að kosn­inga­stjóri Guðna bið­ist afsök­unar og spar­aði ekki stóru orðin. „Ég ætla að biðja Svein Waage, þennan stóra lygara, stór­lygara, rað­lygara að biðja mig afsök­unar.“