Drengirnir í hljóm­sveit­inni Góða fólkið gerðu sér lítið fyrir og færðu hið geysi­vin­sæla lag Húsavík úr mynd­inni The Eurovision Song Contest: The Story of Fire Saga í bún­ing þjóð­laga­popps og er óhætt að segja að það hljómi býsna ólíkt því sem heyra má í mynd­inni. Það er Eyvindur Karlsson, söngv­ari og gít­ar­leik­ari Góða fólks­ins sem á heið­ur­inn af þess­ari útgáfu, hvernig datt honum þetta í hug?

„Ég horfði á Eurovision mynd­ina eins og hálf þjóðin um síð­ustu helgi og fannst hún alveg ynd­is­leg. Og af því að við erum að fara að spila á Café Ros­en­berg sendi ég skila­boð á strák­ana og sagði að við yrðum að taka Ja Ja Ding Dong. Því ég vissi bara að ein­hver myndi kalla á okkur: „Spilið þið Ja Ja Ding Dong!““ útskýrir Eyvindur. „En af því að Ármann er svo rosa­lega mik­ill Hús­vík­ingur heimt­aði hann að lagið Húsavík yrði frekar fyrir val­inu. Ég held reyndar að hann hafi haldið að ég væri að grín­ast. En ég lagð­ist strax yfir þetta og kom með til­lögu að þjóð­laga­popp­aðri útsetn­ingu á lag­inu, og við kýldum bara á þetta. Þetta er nefni­lega frá­bært lag, og virkar held ég alveg jafn vel sem þjóð­laga­popp og Eurovision­ball­aða.“

Fimmtu­dag­inn 2. júlí munu pilt­arnir sem mynda Góða fólkið halda sína fyrstu tón­leika á árinu og verða þeir á hinu nýupp­risna Café Ros­en­berg, Vest­ur­götu 3. Góða fólkið er, auk Eyvindar, Loftur S. Loftsson bassa­leik­ari, Guð­mundur Atli Pét­urs­son mand­ólín­leik­ari, Ármann Guð­munds­son gít­ar­leik­ari og Vignir Pálsson banjó­leik­ari sem reyndar verður fjarri góðu gamni í þetta sinn.

Auk lags­ins Húsa­víkur sam­anstendur efn­is­skrá tón­leik­ana af blöndu af ekta þjóð­lagatón­list og allra handa popp­lögum sem færð hafa verið í þjóð­laga­bún­ing.

Hér má hlusta á Húsavík Góða fólks­ins.