Bjóða afnot af sérútbúnu kynlífsleikjaherbergi á 15 þúsund krónur klukkutímann.
„Þetta má segja að þetta sé svona hálfgert tilraunaverkefni. Þetta er auðvitað þjónusta sem enginn hefur boðið upp á hérlendis og við vildum bara athuga hvernig henni yrði tekið,“ segir eigandi vefsíðunnar sexrooms.is, sem býður upp á afnot af kynlífsherbergi í Reykjavík.
Um er að ræða eitt stakt herbergi sem er sérútbúið kynlífstækjum, rólu og bekk, auk rúms og baðherbergis. Er herbergið staðsett í miðbænum og kostar fyrsti klukkutíminn 15.000 krónur, en innifalið í því er þrif á herberginu. Eftir það lækkar verðið í 6.000 krónur á klukkutímann.
Að sögn eigandans, sem óskar nafnleyndar, kemur til greina að fjölga herbergjum ef nægileg eftirspurn skapast. Hingað til hafi viðtökurnar verið mjög góðar. „Við opnuðum fyrir þjónustuna fyrir svona mánuði síðan og viðbrögðin hafa verið góð hjá þeim sem hafa prófað herbergið,“ segir hann. „Fólk er mjög ánægt með hvað aðstaðan er hrein og snyrtileg og hvað þetta er allt saman pró. Fólki finnst þetta vera alveg til fyrirmyndar.“
Herbergið er pantað í gegnum áðurnefnda vefsíðu þar sem notandinn þarf að undirrita ítarlega skilmála áður en hann fær afnot af því. Í skilmálunum er meðal annars tekið fram að gestir megi vera að hámarki þrír í einu og að enginn undir átján ára aldri geti pantað herbergið.
Nú eru dæmi þess að Airbnb íbúðir, hótelherbergi og leiguíbúðir hafi verið nýtt undir vændi án vitundar eigenda og rekstraraðila. Spurður hvort hann hafi áhyggjur af slíku segir eigandinn að vændi sé stranglega bannað á Íslandi og herbergið sé alls ekki hugsað í slíkum tilgangi, eins og tekið sé fram í fyrrnefndum skilmálum, þar sem bent er á að vændiskaup séu refsiverð.
„Tilgangurinn með þessu er að þarna hafi fólk frelsi til að krydda kynlífið sitt,“ segir hann. „Úti í heimi eru heilu hótelin sem bjóða upp á svona þjónustu. Þetta ætti ekki að vera eitthvert feimnismál.“
kynlíf
Samfélagsmiðlaherferð gegn kynsjúkdómum – Lekandasmit á Íslandi ekki fleiri í 30 ár
Dóttir Heidi Klum fann kynlífstæki móður sinnar: „Mér fannst þetta það svalasta sem ég hafði séð“
Britney lýsir kynlífi hennar og Farrell við „götubardaga“: „Slagsmál er eina orðið yfir þetta“
„Tantrafræðin lýsa kynlífi sem einni af grunnþörfum mannsins“
Hvað myndi breytast hjá þér ef þú hlustaðir á hvað kynhvötin þín hefur raunverulega að segja?
Athugasemdir