Íbúar í Vesturbæ Reykja­víkur ræða nú heim­sóknir happ­rætt­is­sala í hverf­inu. Stofn­andi umræð­unnar, Unnur Björk Jóhanns­dóttir, telur þetta ekki rétta tíma­punkt­inn fyrir slíka sölu í miðri þriðju bylgju kór­ónu­veiru­far­ald­urs­ins.

„Ekki fyrir löngu þá kom að dyrum aðili sem var sýn­ist mér með happ­drætti heyrn­ar­lausra. Leið ekki vel með að sjá slíkt í gangi að mann­eskja sé að fara að öllum húsum hérna á meðan þessi far­aldur er í fullum gangi og á sinni þriðju bylgju,“ segir Unnur í færslu á hverf­is­síðu Vest­ur­bæ­inga á Facebook.

Gerður Sif nokkur, íbúi í Vest­ur­bænum, tekur í sama streng. „Kom hjá okkur i fyrra­dag. Hugsaði það sama.“

Ingólfur Dalberg segir happ­drætt­is­miða­söl­una góða og gilda. Hins vegar sé nú jafn­vel ekki rétti tími til þess. „Hann hefur gengið í hús hér í Vest­ur­bænum í áraraðir og selt okkur happ­drætt­is­miða félags síns. Við Vest­ur­bæ­ingar höfum ævin­lega tekið honum vel og styrkt,“ segir Ingólfur. 

Þórunn Sigríður Ein­ars­dóttir, íbúi hverf­is­ins, er fylgj­andi fram­tak­inu og lætur Covid-far­ald­ur­inn ekki stoppa sig. „Eitt prinsip sem ég heff, kaupi alltaf miða af honum!,“ segir Þórunn. 

Heiða B. Heiðars, sölu­kona aug­lýs­inga, tekur einnig til máls og bendir á að sala happ­drætt­is­mið­ana skipti sam­fé­lag heyrn­ar­lausra miklu máli. „Það hlýtur að vera bara hægt að treysta fólki fyrir því að fara til dyra og eiga sam­skipti við þann sem er fyrir utan. Vel hægt að afþakka og loka eða sam­þykkja kaupin og gæta vel að sótt­vörnum. Leið­in­legt að vera að draga ein­stak­linga til ábyrgðar í fjöl­mennum grúbbum. Ég tala nú ekki um ein­stak­linga sem þurfa að hafa meira fyrir til­veru sinni en meðal. Þessir miðar eru seldir einu sinni á ári og skipta þenna hóp mjög miklu máli,“ segir Heiða.