Tíu pró­sent Covid-19 sjúk­linga glíma við langvar­andi afleið­ingar veik­ind­anna. Ungt og frískt fólk er þar engin und­an­tekn­ing og getur vel lent í þeim hópi sjúk­linga. Það getur mið­aldra fólk einnig sem leiðir jafn­vel til skerð­ingar á starfs­orku og lífs­gæðum.

Þetta kemur fram hjá stjórn­endum Reykja­lunds, þeim Pétri Magn­ús­syni for­stjóra og Stefáni Yngva­syni, fram­kvæmda­stjóra lækn­inga, í aðsendri grein í Morg­un­blað­inu í dag. „Veiran fer ekki í mann­grein­ar­á­lit og getur komið upp hvar sem er. Veiran veldur ekki bara ótíma­bærum and­látum og erf­iðum veik­indum hjá áhættu­hópum. Það er því ekki í boði að leyfa veirunni að leika lausum hala. Sumir þeirra sem sýkj­ast og fá jafn­vel ekki mikil ein­kenni geta samt verið að glíma við eft­ir­stöðv­arnar í langan tíma eftir sýk­ingu. Enginn veit með vissu hvað sá hópur er stór sem fær langvar­andi ein­kenni eftir covid-smit. Þótt nákvæmar rann­sóknir skorti hafa sér­fræð­ingar erlendis leitt að því líkum að það séu að minnsta kosti 10 pró­sent. Þessi hópur er að glíma við eft­ir­stöðvar mörgum vikum eða mán­uðum eftir sýk­ingu,“ segja þeir Pétur og Stefán og ítreka að ungt fólk og mið­aldra geti vel lent í þessum hópi langvar­andi sjúk­linga:

„Þetta lýsir sér í fjöl­breyti­legum ein­kennum svo sem síþreytu, þrek­leysi, verkjum og önd­un­ar­færa­ein­kennum svo dæmi séu nefnd. Merkja má við­horfs­breyt­ingu hjá almenn­ingi gagn­vart smiti síðan í vor. Hjá yngra og mið­aldra fólki var hugs­unin oft sú að við­kom­andi vildi ekki smit­ast til að verða ekki valdur að því að smita aðra, til dæmis nána ætt­ingja eða vini sem væru í áhættu­hópum og gætu orðið alvar­lega veikir eða jafn­vel dáið. Í dag er vitað að hluti þeirra sem sýkj­ast getur þurft að glíma við langvar­andi ein­kenni sem leiða til skerð­ingar á starfs­orku og lífs­gæðum, jafn­vel í mjög langan tíma. Þar sjáum við að frískt fólk, til dæmis í yngri kant­inum og mið­aldra, getur vel lent í þessum hópi.“

Hátt í 50 ein­stak­lingar hafa leitað til Reykj­ar­lunds eftir end­ur­hæf­ingu vegna ein­kenna sem þeir glíma við löngu eftir smit. Beiðn­unum fjölgar í viku hverri. Stjórn­end­urnir segja Íslend­inga getað hrósað happi yfir að hafa haft þrí­eykið fræga við stjórn­völ­inn í kór­ónu­veiru­far­aldr­inum. Þeir vara við sundr­ungu þjóð­ar­innar þar sem sér­hags­munir ráði för. „Á tímum sem þessum er mik­il­vægt að við stöndum saman. Sundrung og sér­hags­munir eru besti vinur veirunnar. Nú ríður á að við Íslend­ingar vinnum saman, fylgjum leið­bein­ingum og sigrum þessa veiru. Mik­il­vægt er að allir aðilar í þjóð­fé­lag­inu standi saman í bar­átt­unni gegn þessum vágesti þó ástandið sé sann­ar­lega farið að reyna vel á þol­in­mæði okkar allra. Hér á landi þarf öfl­uga leið­toga með bein í nef­inu til að stýra málum, lesa í aðstæður á hverjum tíma og hafa dug til að láta ekki undan alls kyns þrýst­ingi og sér­hags­munum. Við Íslend­ingar getum hrósað happi að hafa „þrí­eykið“ okkar við stjórn­völ­inn,“ segja Pétur og Stefán.