Grænmetisréttir eru hagkvæmir fyrir budduna og síðast en ekki síst hafa margir réttir þar sem grænmeti er í aðalhlutverki þann eiginleika að geta staðið einir og sér sem frábær máltíð eða gegnt hlutverki dýrindis meðlætis með lítilli fyrirhöfn. Hér er einn ferlega góður sem er á flestra færi.
Brokkólíbaka með chili-aldini, spínati og ísbúaosti
3 msk. smjör
2 msk. hveiti
5 dl grænmetissoð (úr fernu eða vatn+grænmetisteningur)
3 dl mjólk
50 g Óðals-Jarlsostur, rifinn
150 g spínat
1 brokkólíhöfuð (spergilkál), meðalstórt
1 rautt chili-aldin
4 msk. parmesan-ostur, rifinn
2 tsk. salt
1 tsk. svartur pipar
Hitið ofninn í 200°C. Bræðið smjörið í potti við meðalhita. Bætið hveitinu smám saman út í og hrærið vel. Setjið soðið smátt og smátt saman við og hrærið mjög vel í á meðan, annars verður sósan kekkjótt. Bætið mjólkinni smátt og smátt saman við ásamt rifna Jarls-ostinum og látið sósuna krauma við hægan hita þar til osturinn er bráðnaður. Skolið spínatið og þerrið það dálítið. Skolið spergilkálið og brjótið það niður í litlar greinar. Fræhreinsið chili-aldinið og skerið í þunnar sneiðar. Blandið spínati, spergilkáli og chili-aldininu saman í skál og hellið sósunni saman við. Blandið öllu vel saman og setijð í eldfast mót. Dreifið parmesan-ostinum yfir og bakið í 20-25 mín. Berið fram með fersku salati og nýbökuðu brauði eða sem meðlæti með steikinni.
Umsjón / Sólveig Jónsdóttir
Stílisti / Hanna Ingibjörg Arnarsdóttir
Mynd / Aldís Pálsdóttir
Vín og Matur
Blackbox – „Furðulega áhugavert, ég get ekki lýst því öðruvísi“
Kebab Sara – „Langt fyrir neðan Mandi í gæðum“
Diddú finnst erfiðast að syngja yfir ungum börnum: „Því sorgin er svo áþreifanleg“
Diddú var örugglega Ítali í fyrra lífi: „Ég er alin upp í mikilli matarást“
Blómkálshrísgrjón – Ljúffengt lágkolvetnameðlæti
Athugasemdir