Sam­fylk­ingin hefur sætt harðri gagn­rýni fyrir að taka ekki nógu vel á máli þing­manns sem fór árið 2018 í tveggja mán­aða leyfi í kjöl­far þess að trún­að­ar­nefnd flokks­ins veitti honum áminn­ingu vegna „ósæmi­legrar hegð­unar hans í garð konu“, eins og það var orðað í fjöl­miðlum. Heiða Björg Hilm­is­dóttir, vara­for­maður Sam­fylk­ingar og borg­ar­full­trúi flokks­ins í Reykja­vík, segir að öllum flokkum sé hollt að fá gagn­rýni og aðhald í svona málum. Það sé mik­il­vægt að stjórn­mála­menn sýni sam­fé­lag­inu að svona mál eru ekki létt­væg. Að þeir taki svona mál alltaf alvar­lega.

„Þetta mál sem kom upp með Ágúst [Ólaf Ágústs­son] var gríð­ar­lega erfitt,“ segir Heiða alvar­leg. „Ég reyndi að svara því jafn­heið­ar­lega og ég gat,“ segir hún. „Ég stend alltaf með þolendum í svona málum. Hann vann úr þessu eins og hann taldi best og axl­aði ábyrgð á því sjálfur.“

Hún segir að öllum flokkum sé hollt að fá gagn­rýni og aðhald í svona málum. „Borg­ar­stjóri Kaup­manna­hafnar, sem er vara­for­maður jafn­að­ar­manna­flokks­ins í Danmörku, var til dæmis að segja af sér vegna þess að hann hafði áreitt konur. Þar er ráð­herra kom­inn með ákæru. Það er svo mik­il­vægt að við [stjórn­mála­menn] sýnum sam­fé­lag­inu að svona mál eru ekki létt­væg. Að við sýnum að við tökum svona mál alltaf alvar­lega.

Hvort Sam­fylk­ingin hefði getað gert eitt­hvað meira í þessu máli … Við fylgdum því ferli sem við höfðum sett upp innan flokks­ins. Ég held að það hafi sýnt sig hversu mik­il­vægt það var. Þetta var nið­ur­staðan. Núna mun flokk­ur­inn velja aftur hverja hann vill bjóða fram til Alþingis. Ég geri ráð fyrir að Ágúst ætli að sækj­ast aftur eftir þing­setu. Það verður í höndum flokks­fólks og kjós­enda hver nið­ur­staðan verður, hver tekur sæti á Alþingi.“

Lestu við­talið við Heiðu í heild sinni.