Embætti forseta Íslands hefur auglýst eftir nýjum forsetaritara sem taka á við starfinu 1. mars næstkomandi og leysa þá af Örnólf Thorsson sem hefur þjónað forsetum landsins í rúma tvo áratugi.
Örnólfur hefur starfað hjá embætti Forseta íslands í yfir tuttugu ár, þar af sem forsetaritari frá árinu 2005. Hann verður arftaka sínum til halds og trausts fram á sumarlok næsta árs en hverfur þá til annarra starfa. Aðspurður um tíma sinn hjá embættinu og að hvað verkefnum hann muni síðan snúa sér svarar Örnólfur þessu til. „Það kemur í ljós eins og maður segir. Ég er búinn að vera hérna nokkuð lengi þannig að mér hlýtur að hafa liðið nokkuð vel. Allt hefur sinn tíma segir predikarinn. Nú er tímabært að hverfa að öðrum verkefnum,“ segir Örnólfur.
Embætti forsetaritara hefur verið auglýst laust til umsóknar. Samkvæmt auglýsingunni stýrir forsetaritari embætti forseta Íslands undir yfirstjórn forseta. Hann stýrir fjármálum, mannauði og daglegum störfum á skrifstofu forseta og Bessastöðum. Æskilegt þykir að umsækjendur um starfið hafi staðgóða þekkingu á íslenskri stjórnskipun og stjórnsýslu ásamt því að hafa góða tungamálakunnáttu.
Fyrir hönd forsetaembættisins annars forsetaritari samskipti við Alþingi, ráðuneyti, fjölmiðla og sendiherra erlendra ríkja. Hæfniskröfur samkvæmt auglýsingu eru þær að umsækjendur hafi háskólamenntun sem nýtist í starfi, búi yfir fjölþættri reynslu af stjórnun, störfum á alþjóðavettvangi, mannauðsstjórnun og stefnumótun, leiðtogahæfni og færni í mannlegum samskiptum.
Um er að ræða fullt starf og er skipað til þess til fimm ára í senn. Ef þú hefur áhuga á starfinu getur þú sótt um á netfangið [email protected].
Forseti Íslands
Forsetahjónin í opinberri heimsókn á Akureyri – Meira en nóg að gera um helgina
„Þurfum að gera greinarmun á heilbrigðri ættjarðarást og þjóðrembu, öfgahyggju og þröngsýni“
Vandræðagangur með nýjan forsetaritara: Gleymdist að auglýsa
Þessir vilja verða ritari Guðna forseta
Guðni Th. sendir körfuboltabúðum Vestra bréf: „Við missum ekki móðinn“
Athugasemdir