Þau eru svo yndisleg, og við svo stolt af þeim, börnin okkar. Það er gaman að taka myndir af þeim, spyrja þau flókinna spurninga og fá fyndin, gáfuleg og skondin svör. Og þessu þarf að deila. Vilja ekki allir njóta, heyra og sjá hvað við eigum bráðsnjöll börn? Hugsanlega en netið er varasamur staður og þar eru margir kimar og auk þess er ekki alveg víst að börnunum okkar finnist þessi mynd og þessi tiltekna saga jafnskemmtileg og okkur. Megum við þá segja frá og birta?
Í jólablaði Vikunnar er fjallað um friðhelgi barna, sérstaklega þegar kemur að birtingu mynda af þeim á samfélagsmiðlum og vefsíðum. Mega foreldrar og forsjáraðilar birta óhindrað myndir af börnum sínum? Mega aðrir gera það? Því það sem okkur þykir saklaust í dag getur nefnilega allt eins orðið tilefni stríðni, eineltis eða útskúfunar fyrir börnin okkar á morgun. Auk þess sem barnaníðingar eru einnig duglegir við að safna og deila myndum af börnum og þær þurfa ekki að sýna neina nekt til að það gerist. Hvernig á þá að snúa sér í þessum málum? Hvað er rétt?
Í jólablaði Vikunnar er líka rætt við Benný Sif Ísleifsdóttir, sem var orðin fjörutíu og sex ára þegar hún gerði alvöru úr því að leggja skriftir fyrir sig, en önnur skáldsaga hennar, Hansdætur, er nú komin út og fær rífandi góða dóma.
Söngvararnir Jóhanna Guðrún Jónsdóttir, Friðrik Ómar Hjörleifsson, Erna Hrönn Ólafsdóttir og Margrét Eir Hönnudóttir, og leikarinn Sverrir Þór Sverrisson, sitja fyrir svörum um jólahefðir og minningar frá liðnum jólum.
Það er svo Hjördís Dögg Grímarsdóttir sem prýðir forsíðu Vikunnar að þessu sinni en hún er þekkt fyrir góðar og flottar köku- og mataruppskriftir og hefur í rúman áratug rekið síðuna mömmur.is sem er með mörg þúsund fylgjendur á Facebook og Instagram. Hjördís fjallar opinskátt um ótrúlegt líf sitt og deilir uppskriftum að ljúffengum jólakræsingum með lesendum Vikunnar.
Þetta, fleiri spennandi viðtöl og umfjöllun um fræga fólkið, afþreyingu, menningu, heilsu, tísku, húðumhirðu, og ýmislegt fleira í jólablaði Vikunnar, auk þess sem Deiglan, Lífreynslusaga Vikunnar, krossgátan, orðaleit og stjörnuspá Vikunnar eru á sínum stað.
Tryggðu þér eintak í næstu verslun eða í vefverslun okkar.
Mynd / Pexels
vikan
Hann var eðlilega ekkert spenntur fyrir að fara á fjörurnar við konu af því að mamma hans vildi það
Lífsreynslusaga Mannlífs: Litla dóttir mín fékk heilahimnubólgu og var hætt að þekkja mig
SÉRBLAÐ: Garðurinn – hamingjureitur heimilisins
Heilinn gefur frá sér ástarhormón þegar við eldumst: „Gerir fólk sáttara við lífið og tilveruna“
Tengsl mataræðis og þunglyndis – Leið til að hjálpa einstaklingum að styðja við geðheilsu sína
Athugasemdir