Þegar Ragnheiður Dögg Agnarsdóttir missti eiginmann sinn Þórð Friðjónsson úr krabbameini árið 2011 stóð hún frammi fyrir því að þurfa að endurskipuleggja allt líf sitt og forgangsröðin breyttist. Ragnheiður var ákveðin í því að fara aldrei aftur í alvarlegt samband en ástin breytti þeirri ákvörðun á ógnarhraða og ári eftir fyrsta stefnumót var hún komin í sambúð.
„Ég hafði hugsað mér að ég gæti kannski einhvern tímann eignast vin, ef þannig viðraði, en að fara að búa með manni og setja saman fjölskyldu var aldrei í spilunum. En það er svo merkilegt hvað ástin breytir miklu. Þegar maður svífur um á rósrauðu skýi eru engar hindranir til, það eru bara lausnir,“ segir Ragnheiður, í forsíðuviðtali í nýjasta tölublaði Vikunnar.
Í viðtalinu ræðir Ragnheiður m.a. ástina og samband sitt við fyrrum eiginmann sinn Þórð Friðjónsson. Mikill aldursmunur var á parinu sem Ragnheiður segir hafa valdið einhverjum hneykslun. „Á okkur var tuttugu og tveggja ára aldursmunur svo þetta var í rauninni mjög flókið allt saman og það hvarflaði ekki að mér að úr því yrði hjónaband þegar sambandið var á frumstigi. En það varð samt hjónaband og ákaflega gott samband þegar við náðum okkar lendingu. Það tók nokkur ár, bæði fyrir okkur að átta okkur á hvað við vildum og kannski ekki síður fyrir umhverfið, að venjast tilhugsuninni um okkur sem par,“ segir hún.
Lestu áhrifaríkt viðtal við Ragnheiði í nýjasta tölublaði Vikunnar.
Tryggðu þér eintak í næstu verslun eða komdu í áskrift.
vikan
Hann var eðlilega ekkert spenntur fyrir að fara á fjörurnar við konu af því að mamma hans vildi það
Lífsreynslusaga Mannlífs: Litla dóttir mín fékk heilahimnubólgu og var hætt að þekkja mig
SÉRBLAÐ: Garðurinn – hamingjureitur heimilisins
Heilinn gefur frá sér ástarhormón þegar við eldumst: „Gerir fólk sáttara við lífið og tilveruna“
Tengsl mataræðis og þunglyndis – Leið til að hjálpa einstaklingum að styðja við geðheilsu sína
Athugasemdir