Hún seg­ist alltaf hafa verið næm á nátt­úr­una og fannst nota­legt að liggja í gras­inu sem barn á sumrin og horfa upp í him­in­inn og láta sig dreyma. Þetta voru hennar bestu stundir. Á full­orð­ins­árum lenti hún í því að búa við hlið far­símamast­urs og það ger­breytti heilsu hennar. Blaða­kona mælti sér mót við Fjólu Malen Sig­urð­ar­dóttur en hún er ekki í vafa um að yfir­völd þurfi að fara var­lega í að inn­leiða 5G-tækn­ina hér á landi. Fjóla upp­lifði mjög slæm heilsu­fars­leg vanda­mál í kjöl­far flutn­ings í nýtt hús sem stað­sett var nálægt far­símamastri en geislun þess gróf undan heilsu hennar. Í dag hefur Fjóla end­ur­heimt heilsu sína og hjálpar öðrum að gera slíkt hið sama.

Heilsan batnaði smátt og smátt eftir að mastrið fór

Það vill oft brenna við að hús sem hafa fengið á sig nei­kvæðan stimpil selj­ast ekki en Fjóla var ekki hrædd við það.

„Ég varð að taka þennan slag og er mjög þakk­lát fyrir það í dag. Þetta var erfið bar­átta en þess virði. Við áttum heima í þessu nýja húsi í ein­hverja mán­uði en vorum alltaf með gamla húsið okkar í útleigu. Þegar mastrið var farið þá fann ég hvernig heilsa mín lag­að­ist smátt og smátt. Það var ynd­is­leg til­finn­ing. Húsið okkar gamla seld­ist ekki svo við ákváðum að flytja þangað aftur og dóttir okkar og fjöl­skylda hennar keyptu þetta nýja hús af okkur. Það hefur reynst þeim vel. Að lenda svona hressi­lega í þess­ari örbylgju­mengun frá far­símamastr­inu hafði ótrú­legar afleið­ingar fyrir mig. Ónæm­is­kerfi mitt brotn­aði niður. Svo var eins og allar rásir opn­uð­ust hjá mér eftir þetta. Í dag má segja að ég sé gang­andi mæli­tæki en það tók langan tíma fyrir mig að átta mig á því, eig­in­leiki sem ég lít á sem gjöf í dag. Já, ég er meira að segja þakk­lát fyrir þessa reynslu í dag en verð samt veik um leið og ég lendi í sams konar mengun.“

Lestu við­talið við Fjólu Maren í Vikunni sem fæst á næsta blað­sölu­stað eða í áskrift.

Viðtal / Marta Eiríks­dóttir