„Stelpan hefur mátt þola hreint út sagt hel­víti síð­ustu árin frá elti­hrelli. Hún hefur þurft að leita sér aðstoðar hjá geð­lækni og gerði það í þágu skaða­bót­ar­máls því þetta er búið að leggj­ast ansi þungt á hennar and­legu hlið. Henni var hafnað um skaða­bætur hjá rík­inu fyrir þá aðstoð því það er ekk­ert í lögum sem bætir upp svona hræði­legan verknað, því hann hefur aldrei lagt á hana hendur.

Hún situr því uppi með 250 þús­und króna reikn­ing sem hún þarf að greiða sjálf. Hún er ein­stæð móðir og hefur ekki getað unnið uppá síðkastið vegna þessa manns og hvað hann er búinn að gera henni and­lega.

Því leitum við til ykkar kæru systur og óskum eftir aðstoð fyrir þessa ungu, dug­legu, hjarta­hlýju stelpu sem er alltaf til­búin að gera allt fyrir aðra. Margt smátt gerir eitt stórt og mun svo sann­ar­lega létta aðeins á áhyggjum hennar.”

Svo segir í færslu sem vin­konur Ölmu Torfa­dóttur, ungrar móður frá Akranesi, settu inn á Facebook síð­una Góða systir. Alma segir slá­andi sögu sína í þátt­unum Ofsóknir sem sýndir eru á Stöð 2.

Hún var 18 ára þegar ofsókn­irnar hófust. Hún vann þá hjá olíu­fé­lag­inu Olís þar sem mað­ur­inn vandi komur sínar. Smám saman virð­ist sú hug­mynd hafa fest rætur hjá mann­ingum að hann stæði í sam­bandi við Ölmu og hófst þar með ára­tugs löng saga ofsókna sem allar ganga út á þessa þrá­hyggju manns­ins.

Lifir í stöðugum ótta

Maðurinn hefur sent henni þús­undir texta­skila­boða, setið fyrir utan íbúð hennar og elt á milli bæj­ar­fé­laga. Hann hefur einnig margoft áreitt fjöl­skyldu hennar og barns­faðir. Foreldar hennar segja hana ekk­ert eiga eftir lengur, hún lifi í stöð­ugum ótta. „Þetta er auð­vitað hræði­legt fyrir son hennar, hann elst upp í ótta, mamma er stöðugt hrædd. Þetta er búið að rústa öllu fjöl­skyldu­lífi,” segir móðir hennar í þætt­inum.

Alma hefur þrisvar sinnum fengið dæmt nálg­un­ar­bann á mann­inn sem virðir þau ekki en lítið virð­ist vera hægt að gera því lag­ara­mm­inn er óskýr þegar kemur að elti­hrellum og getur lög­regla lítið gert þegar ekki er um lík­am­legt ofbeldi er að ræða. „Afleið­ing­arnar eru engar fyrir hann,” segir Alma.

Það er svo lítið eftir

Alma stríðir við þung­lyndi, kvíða og áfall­streituröskun. „Mig langar í skóla og hef reynt það en ein­beit­ingin er ekki til staðar. Ég get ekki unnið og er hætt að borða og sofa. Ef þú ert búin að lama mann­eskju and­lega er svo lítið eftir. Ég er föst, alltaf í varn­ar­stöðu, alltaf að bíða eftir ein­hverju.”

Alma ótt­ast um líf sitt. „Ef eitt­hvað klikkar í honum á ég eng­ann séns, hann er miklu stærri og sterk­ari en ég. Ég trúi því að hann muni klikka einn dag­inn“, segir Alma Torfa­dóttir.

For­eldrar og systir manns­ins sem um er rætt ósk­uðu eftir að koma því á fram­færi við þátt­inn Ofsóknir að við­kom­andi hafi ítrekað leitað sér aðstoðar. Sam­fé­lagið hafi hins vegar brugð­ist honum og að úrvinnsla máls­ins hafi reynst honum þung­bær.

Ef þú vilt hjálpa Ölmu í neyð hennar þá getur þú gert það hér:

Reikningur: 0370-22-018938

Kennitala: 290481-2959