„Nú þarf ég ráð, kæru vinir. Hvernig mynduð þið bregð­ast við níði eins og þessu?” spyr Ingvar Sig­ur­geirrs­son í færslu á Facebook í gær. Ingvar er faðir Ragnars Freys Ingv­ars­son, umsjóna­læknis Covid deildar Lands­spít­l­ans og mat­gæð­ings, þekktum undir nafn­inu Lækn­ir­inn í eld­hús­inu.

Ingvar til­tekur tvenn afar ósmekk­leg ummæli og nafn­greinir höf­unda.

Færslan hefur fengið gríð­ar­legan lestur. Fólki er brugðið við og hvetja flestir til að færsl­urnar verið kærðar. Aðrir telja að þær séu ekki svara­verður.

Hjálmar segir þessi ömur­legu orð dæma sig sjálf og best sé að bregð­ast við með engu og fyrir alla muni að hampa ekki höf­undum með svari. Sara Dögg spyr hvort ekki sé um veika menn að ræða og taka fleiri undir þá skoðun.

Bergþóra segir þetta ljótt og vont. „Kasta á ógeð­inu þangað sem það á heima með því að hunsa á sam­fé­lags­miðlum, til­kynna and­lega ofbeldið til lög­reglu og vona að þessir veiku menn fái aðstoð og opni augu sín fyrir því hvað þeir hafa sagt og meitt. Bati þeirra er að biðj­ast fyr­ir­gefn­ingar og gera aldrei neitt þessu líkt aftur.“ Hún biður fyrir knús og góðar kveðjur á upp­á­halds lækn­inn í eld­hús­inu.

Sigríður Heiða skrifar: „Kæri Ingvar. Mitt ráð er að bregð­ast ekki við. Þjóðin er ekki sam­mála um aðgerðir en burt séð frá því eru þessi ummæli lagt út fyrir að vera mál­efna­leg. Agnar vill fá að vita hvað mönnum gangi til, þetta sé stór­und­ar­legt og til skammar.“

Sig­ur­björn Árni er með ráð: „Í mínum skóla myndi ég hringja í mömmur svona mann­vits­brekkna. Ég geri hins vegar ráð fyrir að þessir telj­ist full­orðnir og mömm­urnar löngu búnar að gef­ast upp á þeim. Annað hvort að gera ekki neitt eða til­kynna net­níð.“

Ragnar Freyr hefur tek­ist á við Brynjar Níelsson, alþingsi­mann, um sótt­varnir og sótt­varn­ar­að­gerðir. Brynjar full­yrti í sam­tali við mbl.is á fimmtu­dag að heil­brigð­is­kerfið gæti ráðið við fleiri Covid-sjúk­linga. Hann sagði rík­is­stjórn­ina hljóta að verða að velta fyrir sé hvort ástæða væri til að fara rólegar í sótt­varna­að­gerðir en skað­semi þeirra kynni að vera meiri en aug­ljós heilsu­fars­legur skaði af völdum veirunnar.

Ragnar er Brynjari ósam­mála og svar­aði honum í Facebook færslu þar sem hann sagði ljóst að ef far­ald­ur­inn fengi að dreifast um sam­fé­lagið án þess að gripið yrði til tak­mark­ana myndi fjöldi sýktra marg­fald­ast. Brynjar var fljótur til svara og kall­aði Ragnar „hroka­fullan grillæknir” og þótti Ragnari það miður. „Sem eru viss von­brigði þar sem ég hef reynt við fleiri teg­undir elda­mennsku í gegn um árin. Sous vide, franska, sænska, þýska, ítalska… sem eru til­efni í miklu skemmti­legri við­ur­nefni!“ skrifar Ragnar. „Ég verð aug­ljós­lega að gera betur.“