Mikið hefur verið bent á það að þolendur komi ekki fram undir nafni í tengslum við hina svo köll­uðu Meetoo bylt­ingu og virð­ist fólk alls ekki skilja af hverju þolendur eða meintir þolendur kjósi nafn­leynd. Á þessu er engin breyt­ing ef horft er til fjölda mála sem upp hafa komið í tengslum við þekktan tón­list­ar­mann, Ingó Veðurguð. Nú hefur

Andrea Aldan Hauks­dóttir

hins vegar stigið fram undir nafni og hefur hún greini­lega fengið nóg af þeirri umræðu að meint fórn­ar­lömb Ingós komi ekki fram undir nafni.

Andrea Aldan Hauks­dóttir Mynd af Facebook

Sjá einnig: Ingó Veðurguð í við­tali við Mannlíf: „Ég ætla ekki að láta eyði­leggja mann­orð mitt“

Í opinni færslu sem Andrea setur inn á Facebook síðu sína segir hún frá sínum kynnum við Ingó, þá 19 ára gömul. Við skulum gefa Andreu orðið:„..kom mér á ó­vart er hversu ljóta hluti er hægt að setja fram um fólk án þess að borin sé á­byrgð á því.”Það kemur mér líka á óvart hvað er hægt að ganga langt og taka ekki ábyrgð á því hvernig þú hefur hagað þér. Ef það er erfitt að þetta sé nafn­laust þá skal ég koma fram undir nafni. Ég var 19 ára og var að vinna á Oliver þar sem hann tróð upp viku­lega. Það var bún­inga­staffa­p­artí og ég var í skóla­stelpu­bún­ing. Ég stend við bar­inn og finn að það er ein­hver að taka upp pilsið mitt. Svo aftur. Ég sný mér við og er þá ekki Reð­urguð­inn mættur að bjóða sér upp undir pilsið mitt. „Í fyrsta lagi hvað ertu að gera?! Og í öðru lagi þá á ég kærasta.” – Hann þarf ekki að vita neitt. Og hélt áfram að áreita mig út kvöldið þar til ég öskr­aði á hann „HVERS KONAR SIÐFERÐISKENND ERT ÞÚ EIGINLEGA MEД.Og hann fór að gráta. Munum stelpur að öskra bara nógu hátt um sið­ferð­is­kennd og ein­hver svona stór orð. Þá verður okkur kannski ekki nauðgað. Gjössovel, undir nafni og public. Hættu þessu bara. Fáðu þér sál­fræð­ing. Kannski tvo“.Sjá einnig:

Sögur um Ingó safn­ast upp á Reddit – Veð­urguð­inn bar fyrir sig minnis­leysi hjá Sölva

Ingólfur Þór­ar­ins­son

Færsluna má finna hér