Fyrr í dag var greint frá nöfnum þeirra fimm sem Ingólfur veð­urguð fékk lög­mann sinn, Vilhjálm H. Vil­hjálms­son, til að senda kröfu­bréf. Í þeim er farið á leit að við­kom­andi biðji Veð­urguð­inn afsök­unar á æru­meið­andi ummælum í hans garð, dragi þau til baka og greiði honum miska­bætur og lög­fræði­kostnað.

En það voru Edda Falak áhrifa­valdur, Sindri Þór Sig­ríð­ar­son Hilm­ars­son við­skipta­fræð­ingur, mark­aðs­stjóri, bar­áttu­maður og fyrr­ver­andi fram­kvæmda­stjóri Pírata, Ólöf Tara Harð­ar­dóttir, einn for­svars­maður aðgerða­hóps­ins Öfga, Kristlín Dís Ingi­lín­ar­dóttir blaða­maður á Frétta­blað­inu og Erla Dóra Magn­ús­dóttir, blaða­maður á DV, sem fengu kröfu­bréf send til sín.

Fólk er farið að tjá sig um málið á sam­fé­lags­miðlum, þar á meðal nokkrir af fimm­menn­ing­unum hér að ofan.

„Vaknaði bara við að Ingó veð­urguð er búinn að kæra mig. Getur ein­hver gefið mér kaffi?“ Skrifaði Kristlín blaða­maður fyrr í dag og bætti svo við: „Hef fimm daga til að borga þrjár millj­ónir í miska­bætur. What a day.“

Ólöf Tara þakk­aði fyrir stuðn­ing­inn eftir að fréttir bár­ust af kæru Ingós. „Ég veit eig­in­lega ekki hvað ég get sagt. Kvenna­sam­staðan er alveg hreint mögnuð.
Stuðn­ings yfir­lýs­ingar frá fólki og konum sem ég er nýbúin að kynn­ast
Þetta er eins og vera partur af einni stórri fjöl­skyldu.
Þið vitið hver þið eruð… takk fyrir ykkur öll/allar.“

Erla Dóra virð­ist ekki vera að stressa sig á þessu. „Jæja þá á maður víst von á pósti en eng­inn heima. Geta kettir kvittað undir hjá stefnu­vottum? (Notabene, annar kött­ur­inn kann sko að opna hurð­ina svo það gæti komið til álita.“

Sindri Þór, eða Siffi G,  hefur tjáð sig um málið á Twitter reikn­ingi sínum, en þar skrifar hann: „Jæja þá skuldar maður bara sjö millj­ónir fyrir að tweeta „bingó reð­ur­snuð“.“

Jón Trausti, rit­stjóri Stund­ar­innar, segir það ágætt að Ingó taki það á sig að vera for­dæmi fyrir hvernig ekki eigi að bregð­ast við kyn­ferð­is­brota ásök­unum.

„Ágætt að Ingó tekur það á sig að verða PR skóla­bók­ar­dæmi fram­tíð­ar­innar um það hvernig á ekki að bregð­ast við ásök­unum um kyn­ferð­is­brot. Skref fyrir skref. Lið fyrir lið. Ekki að hann sé sá fyrsti sem gerir það, bara sá fræg­asti.“

Hrafn Jónsson hæð­ist að kröfu Ingós. „Ég vil að Ingó veð­urguð greiði mér þrjár millj­ónir og birti opin­bera afsök­un­ar­beiðni á Facebook síðu sinni í 48 klukku­stundir fyrir að vera „a huge piece of shit“.“