Líkt og Mannlíf hefur fjallað um á síðustu dögum hefur ástandið í farsóttahúsum sem eru í umsjón Rauða krossins ekki annað því álagi sem þar dynur á, vegna mikils fjölda smitaðra og vegna ferðamannasóttkvíar, sem þeir sinna einnig.
Ógnvænlegt ástand farsóttahúsa: „Það er náttúrulega komin þreyta í mannskapinn“
Nú er staðan orðin þannig að ekki er hægt að taka við Covid smituðum einstaklingum, það er einfaldlega ekki pláss fyrir þá. Farsóttahúsin eru komin að eða jafnvel yfir þolmörk sín.
Víðir Reynisson, yfirlögregluþjónn segir að ástandið hafi verið slæmt í gær, en velja þurfti vandlega hverjir fengju pláss. Ekki fengu allir sem vildu komast í einangrun pláss hjá þeim. Fyrir dyrum standa erfiðar ákvarðanir í tengslum við það hvernig hægt sé að greiða úr þeim vanda sem upp er kominn. Víðir segir að til greina komi að hefja gjaldtöku fyrir sóttkvíardvöl hann segir að það myndi létta álagið á farsóttahúsunum. Visir.is sagði fyrst frá.
Gylfi Þór Þorsteinsson hefur mikið tjáð sig um bagalegt ástandið í farsóttahúsunum og í morgun skoraði hann á ferðaþjónustuna að bregðast við með því að bjóða upp á ferðamannasóttkví, til þess að létta álaginu á þeim. Mannekla hefur líka verið að leika teymið grátt en úr því hafði bæst að einhverju leiti, eftir að auglýst var eftir fólki nýverið. Gylfi Þór hefur þá einnig sagt að lítið verði úr sumarfríum starfsfólks vegna ástandsins.
Gylfi skorar á ferðaþjónustuna að létta álagi af farsóttahúsunum – Ástandið alvarlegt
Athugasemdir