Fundað verður á morgun í Fjöl­brauta­skól­anum í Garðabæ vegna máls Páls Vil­hjálms­sonar. Þetta stað­festi Snjólaug Elín Bjarna­dóttir aðstoð­ar­skóla­meist­ari í sam­tali við Mannlíf í morgun.

„Staðan er óbreytt í dag, við erum að funda um þetta mál á morgun“.

Snjólaug vildi ekki veita upp­lýs­ingar um hverjir myndu sitja fund­inn, en búast má við nið­ur­stöðu eftir hádegi á morgun.
Páll Vil­hjálms­son hefur verið gagn­rýndur harð­lega vegna pistils sem hann birti á blogg­síðu sinni en pistill­inn ber nafnið  „Helgi Seljan játar sig geð­veikan“.
Margir hafa þá kraf­ist þess að Páll láti af störfum vegna blogg­færsl­unnar, meðal ann­ars for­eldrar barna við skól­ann.

Kristinn Þor­steins­son, skóla­meist­ari Fjöl­brauta­skól­ans í Garðabæ, hefur verið í sótt­kví að sögn Snjó­laugar en mætir til vinnu á morgun.

Aðspurð hvort þau finndu fyrir auknum þrýst­ingi frá for­eldrum um að Páll léti af störfum við skól­ann, sagð­ist hún ekki vilja tjá sig um það.
Hún gat þó stað­fest að Páll væri enn kenn­ari við skól­ann.