„KSÍ lætur nokkrar illa gerðar hræður út í bæ segja sér fyrir verkum. Rökin eru þau að „vernda þurfti liðið.“ Fyrir hverju? Karl­höt­urum í Stíga­mótum?“ segir meðal ann­ars í einni blogg­færslu Páls Vil­hjálms­sonar kenn­ara.
„Um 70 pró­sent háskóla­nema eru konur, form­leg völd streyma í stríðum straumi inn meyj­ar­haftið,“ skrifar hann í annarri færslu.

Mannlíf ræddi við Kristinn Þor­steins­son skóla­meist­ara Fjöl­brauta­skól­ans í Garðabæ í gær. Sagði hann að engin nið­ur­staða væri komin í mál Páls Vil­hjálms­sonar þrátt fyrir fund fyrr um dag­inn. Margir for­eldra barna við skól­ann hafa kraf­ist þess að Páll láti af störfum vegna ummæla hans í blogg­færslu.

Kristinn sagði að nem­endum og for­ráða­mönnum yrði send til­kynn­ing vegna máls­ins og var það gert í gær.
Í til­kynn­ing­unni kemur meðal ann­ars fram að Páll muni starfa áfram við Fjöl­brauta­skól­ann í Garðabæ. Kristinn segir þá að tján­ing­ar­frelsi sé mik­il­vægt án þess að þurfa að hafa áhyggjur af atvinnu sinni.

„Til að allrar sann­girni sé gætt þá hef ég fengið nokkra pósta og sím­töl þar sem áhersla er lögð á rétt Páls til að tjá sig í ræðu og riti en tals­verður meiri­hluti þeirra sem hefur haft sam­band er mjög gagn­rýn­inn á skrif Páls og í mörgum til­fellum þess kraf­ist að ég grípi til aðgerða vegna þeirra.“
Kristinn segir Pál hafa kennt við skól­ann á annan ára­tug og sinnt starfi sínu vel.
„Því er ég undr­andi og afar ósáttur við að hann sendi þeim sem glíma við geð­sjúk­dóma þessi skila­boð.“

Ekki náð­ist í Kristinn við gerð fréttar og því liggur ekki fyrir hvort fleiri en ein blogg­færsla Páls hafi verið skoðuð.

Ljóst er að margar blogg­færslur Páls eru lit­aðar af harðri gagn­rýni, meðal ann­ars stíga­móta en notar Páll orða­lag eins og stíga­mótafas­ismi og segir Stígamót fjár­plógs­sam­tök

Segir í blogg­færslu Páls þann 5.októ­ber síð­ast­lið­inn:
„KSÍ lætur nokkrar illa gerðar hræður út í bæ segja sér fyrir verkum. Rökin eru þau að „vernda þurfti liðið.“ Fyrir hverju? Karl­höt­urum í Stíga­mótum? Stelpum í leit að syk­ur­pabba?Það er óþarfi að vernda Stíga­móta­lands­liðið gegn árangri. Hann verður hvort eð er aldrei neinn’’.

Sama dag skrifar Páll aðra færslu en þar segir:

„Stíga­mótafas­ism­inn skiptir mann­fólk­inu í þolendur og ger­endur. Þolendur ákæra, sak­born­inga er að játa og taka út refs­ingu sem á þessu stigi máls­ins er útskúfun. Lesist: konur ákæra, karlar eru fyr­ir­fram sekir..
Valda­femín­isma gengur allt í hag­inn þessi miss­erin. Um 70 pró­sent háskóla­nema eru konur, form­leg völd streyma í stríðum straumi inn meyj­ar­haftið. Karlar eru óðum að verða hús­verðir í kvenna­höll. Skyldi ætla að hægja mætti á fasísku orð­ræð­unni. En þar liggur hund­ur­inn graf­inn. Mikill vill meira.
„Geð kon­unnar er yfir­borð, úfin og ólg­andi slikja á grunnu vatni,“ mælti Zaraþústra Nietzsche.
En hvað liggur í djúp­inu?“

Þann 30. Sept­em­ber skrifar Páll:
,,Stígamót eru fjár­plógs­sam­tök sem stunda skipu­lega skoð­ana­kúgun og raka til sín fé með hót­unum. Stígamót svífast ein­skins til að koma ár sinni fyrir borð.KSÍ lypp­að­ist niður og liggur enn í svað­inu eftir að hafa orðið skot­mark Stíga­móta.
Stíga­móta­lands­liðið er skammar­blettur á íþrótta­hreyf­ing­unni.’’

Lesa má blogg Páls hér.