„Ég vissi af brot­inu í Danmörku, og ég bar það fyrir lands­liðsnefnd og fékk lög­fræð­ing til að kanna málið og nið­ur­staðan var sú að hann hefði verið búinn að taka út hegn­ingu og þetta brot væri ekki þess eðlis að það ætti að stoppa það að hann yrði val­inn í lands­liðið. Eftir því var sem sagt farið á þessum tíma­punkti,“ sagði Sig­ur­björn Bárð­ar­son í við­tali við Mannlíf í vik­unni.

Þá sagði hann að Jóhann hefði í raun verið svo­lítið sjálf­kjör­inn í liðið enda var hann sam­fleytt í lands­lið­inu í langan tíma. Hann hafi verið knapi á því „leveli“.

Aðspurður segir Sig­ur­björn að fyrir löngu hafi margir vitað af dómnum frá árinu 1994.

Blaða­maður: „Hitt brotið, það var eitt­hvað sem þið vissuð ekk­ert af, vænt­an­lega?“

„Það er nátt­úru­lega rangt að segja að maður hafi ekki vitað af því,“ sagði Sig­ur­björn og bætti við:
„Maður man eftir, fyrir löngu síðan, að hafa heyrt þetta, að þessi hlutur hefði gerst fyrir norðan, og hann hafi verið dæmdur, ein­hvern  veg­inn var þetta fyrnt í huga manns. Þetta kom hvergi upp á borð og það er ekki saka­vott­orð eða neitt sem kraf­ist er og ein­hvern veg­inn var þetta bara ekki til í hug­anum, að maður myndi eftir þessu.“

Þá segir Sig­ur­björn að nægi­leg refs­ing hafi ekki legið við svo ógeð­felldum brotum.
„Á þeim tíma var refsi­lögjaf­inn ekki merki­legur miðað við eðli brota, á þessum tíma.“

Þegar Mannlíf fjall­aði um mál Jóhanns segir hann það hafa rifj­ast upp.
„Þá kviknar það að maður man eftir þess­ari umræðu aftur í tím­ann, þá kviknar það upp í höfði manns, sko.
Á þessum tíma vissi nátt­úru­lega hesta­heim­ur­inn meira og minna af þessu, sumir eru nátt­úru­lega ekk­ert að spá í svona hluti, en alla­vega í keppn­is­skeiðum þá var vitað að þetta hefði gerst þarna fyrir langa löngu síðan og svo bara er þetta horfið í móð­una miklu sko,“ segir Sig­ur­björn.

Þá segir hann að málið frá 1994 hafi ekki verið uppi á borð­inu eða verið rætt. Formaður sam­tak­anna sé ungur og til­tölu­lega nýkom­inn inn. Því efist hann um að hann hafi vitað af brot­inu.

„Sko, maður sér þetta og maður les þetta, þá líður manni skelfi­lega illa, þetta eru ekki góðar fréttir sem að maður les. En svo kemur aftur hitt upp á borðið, auð­vitað þarf þetta að koma upp á borðið. Íþrótta­maður sem er fyr­ir­mynd sko, þetta er ekki gott, ekki undir nokkrum for­merkjum. Hvernig sem á það er litið, maður fékk bara hnút í mag­ann,“ segir Sig­ur­björn og bætir við að hann sé þakk­látur fyrir að málið hafi komið upp.
Þá ýti þetta við þeim og öðrum eins félögum, eins og KSÍ, og leiði á rétta braut.