Hol­lensku dýra­vernd­un­ar­sam­tökin Dier & Richt hafa hafið und­ir­skrift­ar­söfnun þar sem skorað er á fram­kvæmda­stjórn Evr­ópu­sam­bands­insi að banna með öllu að dregið sé blóð úr fyl­fullum hryssum. Með því verði stöðvað „vilil­mann­legt og hrotta­legt ofbeldi“ á hrossum á íslenskum „blóð­bæjum“.

Samtökin telja það bæði sýnt og sannað að blóð­takan leiði til hræði­legrar þrján­ingar dýr­anna. Mannlíf greindi fyrst frá illri með­ferð blóð­mera hér á landi.

Sjá einnig: Rúmlega millj­arðs hagn­aður í skugga dýra­níðs – „Go back to your country“

Gífurlegur hagnaður

Líf­tækni­fyr­ir­tækið Ísteka hagn­að­ist um rétt tæpar 600 millj­ónir króna á síð­asta ári vegna blóð­töku úr fyl­fullum hryssum til fram­leiðslu á frjó­sem­is­lyfjum sem selt er til stórra lyfja­fyr­ir­tækja um allan heim. Þennan rúma hálfa millj­arð græddi fyr­ir­tækið í skugga skelfi­legrar með­ferðar á hryss­unum, líkt og Mannlíf greindi fyrst frá um síð­ast­liðna helgi.

Í árs­reikn­ingi fyr­ir­tæk­is­ins, sem Mannlíf hefur undir höndum, má sjá að fyr­ir­tækið hagn­að­ist í fyrra um tæpar 600 millj­ónir, eða 591.889.767 krónur fyrir þá sem hafa gaman af tölum. Árið þar á undan var hagn­að­ur­inn svip­aður, eða rétt rúmur hálfur millj­arður, og því hefur Ísteka grætt rúman millj­arð á tveimur árum vegna blóð­mer­anna þar sem sýnt hefur verið fram á aug­ljóst dýra­níð.

Blóð­iðn­aður bænda

Árlega er tekið blóð úr ríf­lega 5.000 hryssum hér á landi, aftur fyrir þá sem hafa gaman af tölum þá voru hryss­urnar 5.036 tals­ins í fyrra, og er það gert á tveggja mán­aða tíma­bili, síð­sum­ars og að hausti. Vikulega er tekið blóð úr fyl­fullum hryss­unum, allt að 5 lítrar í senn en að hámarki átta sinnum úr hverri meri. Það þýða hátt í 40 lítrar af blóði úr hverri hryssu, eða sem nemur 15-20 pró­sentum af öllu blóð­magni hests­ins.

Fyrir þessa 5 lítra sem fást í hvert skipti fær bónd­inn 10.000 krónur, eða allt að 80.000 krónur frá hverri blóð­meri á ári. Frá öllum blóð­merum lands­ins eru íslenskir bændur því að hagn­ast um rúmar 400 millj­ónir á ári, eða 402.880.000 krónur nánar til­tekið.

Ísteka vinnur efni úr blóði mer­anna, meðal ann­ars til að auka frjó­semi svína. Blóð­takan úr fyl­fullum íslenskum hryssum hefur verið stunduð hér í rúma fjóra ára­tugi og er til­gang­ur­inn að safna horm­ón­inu eCG sem notað er til fram­leiðslu frjó­sem­is­lyfja svína til mann­eldis. Líkt og Mannlíf hefur greint frá eru hér á landi starf­andi aðeins 5 dýra­eft­ir­lits­menn, til að fylgj­ast með blóð­mer­a­iðn­aði bænda sem og með­ferð allra ann­arra dýra hér á landi.

Sjá einnig: Vilja leyfa Ísteka að taka 600 tonn af mera­blóð næstu tvo ára­tugi

Hrylli­leg með­ferð

Mat­væla­stofnun, MAST, rann­sakar nú inni­hald mynd­bands sem sýnir hrylli­lega með­ferð á blóð­merum hér á landi. Í heim­ilda­mynd­inni má sjá dæmi um að hrossin séu barin og slegin, tjóðruð niður og geymd í þröngum blóð­töku­básum.

Heim­ilda­myndin erlenda sem sýnir slæma með­ferð á fyl­fullum hryssum við blóð­töku er nú til rann­sóknar hjá Mat­væla­stofnun. Hol­lend­ing­arnir hafa fengið nóg og í til­kynn­ingu vegna und­ir­skrifta­söfn­un­ar­innar segja sam­tökin:

„Blóð er tekið úr hryss­unum með hrotta­legu ofbeldi. Þessi skelfi­legu vinnu­brögð fela í sér alvar­legar bar­smíðar. Íslenskum hestum er alvar­lega mis­þyrmt. Hræddu hryss­urnar eru barðar með tré­prikum og bundnar í kassa. Hreinn hryll­ingur! Þetta verður að stöðva.“

Ef þú vilt sýna stuðn­ing þinn við áskorun til Evr­ópu­sam­bands­ins um að stöðva blóð­mer­aðn­að­inn þá getur þú gert það hér.