„Ókei núna læt ég í mér heyra og núna segi ég STOPP!!!! Leyfið syni mínum að vera hann sjálfur. Einelti er ofbeldi sem aldrei er rétt­læt­an­legt. Einelti getur verið með baktali og sögu­sögnum, sær­andi orð­bragði og nið­ur­læg­ingu, frels­is­svipt­ingu, eigna­tjóni og lík­ams­meið­ingum. Sonur minn, já minn ynd­is­legi, blíði, fyndni og góði sonur sem vill öllum vel, hefur orðið fyrir ein­elti síð­ustu 5 árin Og fer þetta ein­elti allt fram á net­inu og ef þeir sjá hann úti er hann tek­inn og lam­inn og nið­ur­lægður. Þetta er ekk­ert nema FRELSISSVIPTING fyrir hann,“ skrifar Helena Queen í átak­an­legri færslu á Facebook um skelfi­legt ein­elti sem sonur hennar er lagður í.

Helena og fjöl­skylda búa í Breið­holti en sonur hennar stund­aði nám við Borg­ar­holts­skóla en vinnur nú í Fjöl­smiðj­unni.

„Ég er algjör­lega komin með nóg. Það eru stofn­aðir fake aðgangar á sam­fé­lags­miðlum og þar er þessi hópur af krökkum að plokka hann þannig til að ná honum og til að geta lamið hann. Þessir krakkar eru að búa til sögur og það er virki­lega ljótar sögur um hann sem eru ósannar og hann er komin með orð á sig.

Virki­lega ljótt ORÐ sem hefur ekki við rök að styðja. Já ég skal segja ykkur, hann er kall­aður NAUÐGARI  – Þessi ynd­is­legi glaði strák­ur­inn minn sem hefur alltaf verið glaður, bros­andi, hlæj­andi með húmor­inn sinn í botni er far­inn að draga sig inn í skel og far­inn að verða rosa­lega kvíð­inn og virki­lega þung­lyndur og dapur og á virki­lega erfitt með svefn og passar að allt sé lokað og læst allan sól­ar­hring­inn heima hjá okkur;
Þetta er ekk­ert nema FRELSISSVIPTING.“

Helena er ekki bara að segja ein­hliða frá­sögn af hryll­ingnum sem sonur hennar verður fyrir á degi hverjum:

„En ókei, ég veit vel að sonur minn á erfitt með sam­skipti oft, og sendir skila­boð á net­inu sem hann gerir sér alls ekki grein fyrir að sé við hæfi, hann er með sínar grein­ingar og hann er lagður í net­ein­elti vegna þess, hann kann oft ekki mörkin.
Það er enda­laust verið að gera grín af honum og sagt við hann: Ertu með ein­hverfu – og blah blah blah. Hann hefur misst marga vini út frá þessu ein­elti, þessir krakkar eru að reyna að rústa hans lífi.

Hann meðal ann­ars flosn­aði upp úr fram­halds­skóla vegna stans­lauss áreitis frá krökkum úr skól­anum, hann fór að vinna og þar eru sögu­sagnir komnir þar líka frá krökkum sem eru að reyna að skemma hans mann­orð á vinnu­staðnum.“

Helena segir frá því að hún hafi frétt frá vin­konu sinni „að það er víst búið að stofna aðgang á TikTok og þar eru birtar myndir af hvar við búum og nafnið á mér og pabba hans og ýmis­legt fleira.

Í síð­ustu viku þurfti ég að fara á sótt­varn­ar­hót­elið og dvelja þar með litlu stelpuna mína sem greind­ist með covid, en vegna ástands­ins heima fyrir með áreitið frá krökk­unum í garð sonar míns, þá þurfti ég að fara heim.

Það var komið og hent grjóti í rúð­urnar heima hjá okkur og fékk ég sím­tal frá nágranna mínum sem upp­lýsti mig um það. Svo er eldri systir hans að fá skila­boð um það, að ef hún borgar ekki ákveðna upp­hæð þá dreyfir sá aðili á netið og í eigin per­sónu að bróðir hennar sé perri.“

Hún bætir við:

„Svo gerð­ist það fyrir nokkrum dögum síðan að besti vinur sonar míns var tek­inn og lam­inn, ein­fald­lega bara fyrir það að vera vinur hans; sonur minn kennir sjálfum sér um það ofbeldi sem vinur hans varð fyrir.

Ég þurfti að láta hann eyða út snapchatinu sínu í gær vegna enda­lauss áreitis, þeir ein­fald­lega stoppa ekki. Ég fékk að sjá virki­lega ljót skila­boð sem voru látin falla í þess­ari grúbbu.

Til dæmis sögð­ust þeir hóta að drepa hann og vilja hann bara dauðan, hann er ógeðs­legur, hann er þroska­heftur, hann sé veikur að geði, hann er nauð­gari, hann sé perri og þeir ætla ekki að hætta fyrr en hann er dauður.

Þessi hópur er búinn að upp­lýsa hann um það að þegar hann mun fara út úr húsi þá mun hann verða lamin mjög illi­lega og hafa þeir hótað honum líka líf­láti.

Helena bendir á að „meðal ann­ars eru þeir búnir að dreifa fleiri vid­eóum af fleiri fórna­lömbum þar sem miklar lík­ams­meið­ingar eru í gangi. Svo á ég videó af því þegar sonur minn var tek­inn fyrir og lam­inn illi­lega en sem betur fer var hann með hjálm þar sem hann var á vesp­unni sinni þegar þetta atvik átti sér stað, þeir rifu hann af vespuni og þeir spörk­uðu svo heift­ar­lega í haus­inn á honum að þetta var frekar mjög bru­tal sjón að sjá – og þessir krakkar eru enn þá að deila þessu vid­eói og gera grín og hlæja af honum og þeim finnst þetta virki­lega fyndið.

Þessir krakkar níð­ast á þeim ein­stak­lingum sem fitta ekki inn í normið. Einelti er sam­fé­lags­mein sem okkur öllum kemur við og allir eiga að taka alvar­lega, ein­elti er sár stað­reynd, en þrátt fyrir það sann­leikur Einelti er sál­ar­morð og ekk­ert annað en sál­ar­morð.

Þetta er komið gott, leyfið syni mínum að fá frið og leyfið honum að vera hann sjálfur.

Leyfum ekki ein­elti að þríf­ast í okkar sam­fé­lagi.“