Garðabær skoðar nú hvar til­kynn­ingar vegna Hjalt­eyris hjón­anna séu nið­ur­komnar.
Kemur fram í til­kynn­ingu frá for­eldrum barns sem dvaldi við Montess­ori- leik­skóla árið 2006 að þau hafi marg­sinnis haft sam­band við Garðabæ en hjónin Beverly og Einar ráku leik­skól­ann.

Þá sagði Ragnar Gunn­ars­son í við­tali við Vísi að hann hafi einnig gert Garðabæ við­vart um hjónin, fyrst árið 2005 en er Ragnar eitt barn­anna sem dvaldi á Hjalt­eyri. Þurfti hann að þola gróft ofbeldi af hálfu hjón­anna ítrekað er hann dvaldi þar.
Hafa fjöl­margir stigið fram síð­ustu vikur og sagt frá dvöl­inni á Hjalt­eyri en átak­an­legt er að heyra af hrylli­legu ofbeldi þeirra hjóna í garð barn­anna.

Bæj­ar­stjóri Garða­bæjar, Gunnar Ein­ars­son tók við stöð­unni í maí árið 2005. Ekki liggur fyrir hvers vegna bær­inn bregð­ist fyrst núna við ábend­ingum og hvort hinar ábend­ingar hafi farið í réttan far­veg og verið sinnt.

Sagði Hulda Hauks­dóttir, upp­lýs­inga­stjóri Garða­bæjar í við­tali við Mannlíf að bær­inn væri nú að skoða málið. Aðspurð hvort þeim hafi borist ábend­ingar fyrir mörgum árum sagði hún að það væri verið að skoða.

„Það er hluti af úttekt sem er hafin hjá okkur, einmitt til þess að skoða þá hvort að það hafi ein­hverjar ábend­ingar borist á þessum tíma eða hvort það sé eitt­hvað í okkar gögnum eða okkar verk­lagi eða annað sem gefur til­efni til að skoða hvort það hefði verið hægt að gera hluti með öðrum hætti eða ekki“.

Þá væri það hluti af úttekt­inni að athuga hvert eða hvernig til­kynn­ingar bár­ust á þessum tíma.

„Það er hluti að því sem við erum að fara í gagna­öflun um, með hvaða hætti við­kom­andi setti sig í sam­band við okkur,“ sagði Hulda en hefur Garðabær fengið EAÞ ráð­gjöf til þess að hjálpa til við að vinna í mál­inu og rýna í þau gögn sem eru til.