Sandra Ósk Jóhanns­dóttir, 21 árs sál­fræði­nemi við Háskóla Íslands, HÍ, fékk Covid í maí síð­ast­liðnum og er enn að kljást við eft­ir­köst. Hún segir lungu sín eyðilögð. Eftir sjúk­dóm­inn hefur Sandra barist fyrir því að nem­endur við HÍ fengju að taka heima­próf en var þess í stað skip­uðu í kennslu­stofu með öðrum nem­endum sem reynd­ust Covid-sýktir.

HÍ sendi henni til­kynn­ingu þessa efnis klukku­tíma fyrir næsta próf Söndru og telur hún engan vafa leika á því að það hafi haft áhrif á frammi­stöðu sína í próf­inu skömmu síðar:

Sjá einnig: Sandra sál­fræði­nemi fékk Covid: „Lungun mín eru eyðilögð og ég bara 21 árs.“

Læknar hafa ekki viljað taka röntgen­mynd af lungum Söndru þrátt fyrir mikla önd­unarörð­ug­leika. Þeir segja henni að hún sé með kvíða.

„Ég gat ekki sofnað fyrr en klukkan hálf 7 í morgun þar sem ég náði ekki and­anum í alla nótt. Pabbi þurfti að kíkja á mig í alla nótt til að vera viss um að ég væri ekki með­vit­und­ar­laus. Ekki segja mér að covid sé eins og venju­leg flensa. Lungun mín eru eyðilögð og ég bara 21 árs.“

Sandra er virki­lega svekkt út í HÍ. „Ég var sjálf að berj­ast fyrir heima­prófum fyrir ári og svo lendi ég í þessu. Þetta er nákvæm­lega ástæðan fyrir því hvers vegna við erum búin að vera að berj­ast fyrir heima­prófum,“ sagði Sandra í sam­tali við Vísi. Og hún bætir við:

„Þetta er versta martröð hvers nem­anda í heims­far­aldri, að vera nálægt smit­uðum ein­stak­lingi í prófum. Núna líður mér alls ekki öruggri í bygg­ingum skól­ans. Miðað við þessar fréttir þá er það eina rétta í stöð­unni að hafa heima­próf sem val­kost og það ætti að vera sjálf­sagt í heims­far­aldri. Það er það eina rétta í stöð­unni miðað við að þau eru nú þegar búin að leggja nem­endur í hættu, þau eru búin að leggja pabba minn sem er í áhættu­hópi í hættu.“