Hreinn Loftsson var ráð­inn aðstoð­ar­maður Jóns Gunn­ars­sonar, inn­an­rík­is­ráð­herra í byrjun des­em­ber á þessu ári, en hefur nú skyndi­lega og óvænt hætt sem aðstoð­ar­maður Jóns.

Ásamt Hreini var Brynjar Níelsson ráð­inn sem aðstoð­ar­maður, inn­an­rík­is­ráð­herra. Mikil undrun var á meðal fólks vegna þess­ara ráðn­inga. Bæði Brynjar og Jón hafi til að mynda verið mót­fallnir frum­varpi um þung­un­ar­rof og tal­aði stjórn­ar­and­staðan með þeim hætti að þeim væri ekki treystandi til að fara með svo mik­il­vægan mála­flokk.

Hreinn segir í facebook færslu sinni í kvöld að hann hafi verið of fljótur að á sér að sam­þykkja starfið.

„Þegar ég tók við starfi sem aðstoð­ar­maður Áslaugar Örnu Sig­ur­björns­dóttur, dóms­mála­ráð­herra, fyrir rétt rúmum tveimur árum lét ég þau orð falla að ég liti á það sem mik­inn heiður og fag­lega áskorun að taka að mér þetta verk­efni. Árin hafa svo sann­ar­lega verið við­burða­rík. Málefni ráðu­neyt­is­ins eru fjöl­mörg og spenn­andi. Ég tók því boði Jóns Gunn­ars­sonar þegar hann bauð mér að halda áfram störfum við ráð­herra­skiptin í byrjun mán­að­ar­ins. Fljót­lega komst ég þó að raun um að ég hafði verið of fljótur á mér og hef nú afráðið að láta af störfum.“

Þrýsti­hópar og aktí­vistar á vett­vangi ofbeld­is­mála hafa gagn­rýnt ráðn­ingu Brynjars harð­lega.