„Stjórnarkonur Lífs án ofbeldis áttu fund með Ásmundi Einari Daðasyni mennta- og barnamálaráðherra nú í morgun, þar sem rædd voru sameiginleg markmið sem varða hagsmunagæslu barna í heimilisofbeldismálum,“ segir í yfirlýsingu sem Líf án ofbeldis sendi frá sér í dag.
„Ráðherra lagði mikla áherslu á að hagsmunir barna í þeirra eigin málum trompi allt annað. Ljóst er að brennandi áhugi er í ráðuneytinu á að gera miklu betur við að efna skuldbindingar stjórnvalda um að setja hagsmuni barna ávallt í forgang, skýra verkferla og skerpa á þeim lögum sem eru á forræði ráðuneytisins. Á fundinum voru ræddar þær brotalamir sem Líf án ofbeldis sér kerfisbundið í málum barna sem koma úr heimilisofbeldi, dæmi um mæður sem hafa þurft að flýja land með börnin sín, börn sem fá ekki áheyrn í kerfinu.“ Þá kemur fram að fundargestir hafi verið sammála um nauðsyn samspils milli barnaverndarlaga annars vegar og barnalaga hinsvegar þegar kemur að ákvörðun í forsjár- og umgengnismálum, þar sem fyrir liggur rökstuddur grunur um ofbeldi gegn barni og nákomnum.
„Samtökin fyrir hönd þolenda ofbeldis, treysta því að dómsmálaráðherra, sem er í forsvari fyrir barnalög, muni stíga öll nauðsynleg skref í þessa sömu átt að hagsmunum barna, þegar kemur að þessum umfangsmikla málaflokki sem sannarlega varðar líf og heilsu barna til framtíðar. Líf án ofbeldis fagnar því að samtalinu sé komið á við mennta- og barnamálaráðuneytið og mun í framhaldinu halda áfram að upplýsa barnamálaráðherra um reynslu brotaþola heimilisofbeldis af kerfinu svo hún nýtist til úrbóta í þeirri vinnu sem er fyrir höndum í ráðuneytinu.“
Samélag
RÉTT Í ÞESSU: Hryðjuverkasamtökin sprengja upp ísraelska borg
Sumar í september – Hægur vindur og víða bjart
Úkraínumenn á Íslandi senda út nauðsynjar: „Allur heimurinn er undir áhrifum“
Hreinn Loftsson hættir óvænt sem aðstoðarmaður innanríkisráðherra: „Var of fljótur á mér“
Verkefnið stuðlar að því að draga úr myndun úrgangs og minnka eftirspurn eftir náttúruauðlindum
Athugasemdir