Arnar Grant, heilsu­rækt­ar­fröm­uður og einka­þjálf­ari, er far­inn í tíma­bundið leyfi frá störfum hjá World Class, í kjöl­far frá­sagnar Vítalíu Lazareva um ást­ar­sam­band þeirra. Þessu er greint frá á Vísi.

Vítalía sagði sögu sína í hlað­varps­þætt­inum Eigin konur. Hún sakar vini Arnars um að hafa farið yfir mörk hennar fyrir framan hann og lýsir sam­skiptum þeirra Arnars yfir sextán mán­aða tíma­bil. Vítalía er 24 ára gömul en Arnar 48 ára og giftur.

Vítalía segir Arnar hafa komið fram við hana á afar niðr­andi hátt í gegnum sam­band þeirra. Hún hafi sífellt reynt að geðj­ast honum á þeim tíma.

Í hlað­varps­þætt­inum sagði Vítalía frá sum­ar­bú­staða­ferð þar sem hún segir vini Arnars hafa farið gróf­lega yfir mörk sín. Þeir hafi meðal ann­ars þuklað á henni og stungið fingrum upp í enda­þarm hennar. Hún birti nöfn mann­anna á Instagram í haust. Mannlíf hefur und­an­farið reynt að ná í þá, án árang­urs. Ari Edwald og Hregg­viður Jónsson eru báðir ýmist komnir í leyfi frá störfum eða hafa stigið til hliðar vegna ásakan­anna. Enn hefur ekki heyrst frá Þórði Má Jóhann­essyni í tengslum við málið, en hann er einn þeirra nafn­greindu.

Annað til­felli sem hún lýsir átti sér stað á hót­eli í sept­em­ber síð­ast­liðnum, hvar Arnar var í golf­ferð með vina­hópi sínum. Vítalía segir Arnar hafa boðið vini sínum að snerta hana og eiga við hana munn­mök, í skiptum fyrir þögn hans um fram­hjá­hald Arnars. Vinurinn sem um ræðir er Logi Bergmann Eiðsson, eins og Mannlíf greindi frá í dag.

Mannlíf hefur ítrekað reynt að ná í Arnar Grant síð­ustu daga, án árang­urs.