Hannes Stein­dórs­son rekur eina stærstu fast­eigna­sölu lands­ins – Lind fast­eigna­sölu í Kópavogi. Auk þess land­aði hann nýlega fjórða sæti í próf­kjöri Sjálf­stæð­is­flokks­ins í Kópavogi og það með yfir­burðum. Mannlíf mun á kom­andi miss­erum fá Hannes til þess að svara hinum ýmsu spurn­ingum tengdum fast­eigna­mark­aðnum og hús­næð­is­málum en Hannes er fag­maður fram í fing­ur­góma – en hvaða hverfi eru vin­sælust í dag?
„Í raun eins og staðan er í dag þá eru öll hverfi vin­sæl þar sem að nán­ast ekk­ert er til sölu,“ segir Hannes og bætir við að rót­gróin hverfi séu þó alltaf mjög vin­sæl – Sel­tjarn­ar­nes, Smára, Sala og Linda hverfi falli þar undir.

Aðspurður hvort hverfi séu að að hluta til ald­urs­skipt segir hann stærð og her­bergja­fjölda ráða ferð­inni.
„Já að ein­hverju leiti, það sem telur þar er stærð íbúða og her­bergja­fjöldi, ungt fólk kaupir mikið þar sem eru tveggja her­bergja íbúðir og eldri hóp­ur­unn vill stærri alrými, færri her­bergi og nálægð við þjón­ustu­kjarna en svo eru engu að síður allir ald­urs­hópar í flestum hverfum“

Valshlíð 10-16

Hannes segir Voga­byggð og Hlíð­ar­enda vera ný og spenn­andi hverfi en Sunnu­smári sé eitt það vin­sælasta af þeim hverfum sem nú eru í upp­bygg­ingu. Þá telur hann að fram­boð fast­eigna hér á landi verði of lítið næstu 2-4 árin en hækk­unin muni þó breyt­ast á næstu árum.

„Mark­að­ur­inn verður svip­aður og núna næstu 12-20 mán­uði, það verður allt of lítið til sölu og fram­boð fast­eigna nær ekki eft­ir­spurn­inni fyrr en eftir 2-4 ár. Hækkunin verður hins vegar mun eðli­legri næstu ár kannski 8-10% 2022 og 5-6% 2023.
Það þarf að afhenda 4000 nýjar íbúðir á ári næstu 5 árin en það næst aldrei, okkur hefur ein­ungis fjórum sinnum tek­ist að byggja yfir 3000 eignir á síð­ast­liðnum 20 árum“.

Í dag selj­ast rúm­lega 40% eigna yfir ásettu verði en fyrir fimm árum síðan voru það tæp­lega 5% eigna sem seld­ust yfir ásettu. Telur Hannes að breyt­ing verði þar á í lok árs­ins og yfir­verðs­pró­sentan muni lækka.

Hannes með dóttur sinni

Fyrir þá sem eru ef til vill að selja sína fyrstu eign og hafa ekki tengsl við fast­eigna­sala –  hvernig finnur maður “rétta’’ fast­eigna­sal­ann?
„Mér skilst að þeir séu bestir sem koma úr Kópavogi,“ segir Hannes og brosir en sjáfur býr hann og starfar í Kópavogi.
„Það eru um 600 fast­eigna­salar á höf­uð­borg­ar­svæð­inu á öllum aldri, konur og karlar þannig að allir geta fundið sér fast­eigna­sala sem þeir treysta og tengja eitt­hvað við,“ segir Hannes að lokum.